BIBLIAMANDA TAPUICUNA
Pobrella causaica ¿ima horapash tucuringacha?
Pobrella causaitaca ¿imashinata Taita Diosca tucuchinga? (Mateo 6:9, 10)
Cada huatami ashtaca ashtaca gentecunaca pobre pobre caimanda ungüicuna japijpi, yarjaimandapash huañun. Charij charij llactacuna tiajpipash, ashtaca gentecunami imagupash illaj causan. Bibliapi nishca shinaca, pobre gentecunaca siempremi tiashca. (Juan 12:8, liipangui.)
Pobre gentecuna ama tiachunga, cai Alpapi imacunalla tiashcata mundo enteropi tucuicunaman igual cuj gobiernotami minishtinchi. Shinallata, guerracunamandami ashtaca gentecunaca pobre pobrecuna causan. Chai gobiernoca guerracunatapashmi tucuchina can. Taita Diospa gobiernollami chai llaquicunataca tucuchinga. (Daniel 2:44, liipangui.)
Pobrella causaitaca ¿pishi tucuchinga?
Cai Alpata mandachunga, Taita Diosca paipa Churi Jesustami agllashca (Salmo 2:4-8). Jesusca pobre gentecunata ayudangapami llaquicunata, nali ruraicunatapash tucuchinga. (Salmo 72:8, 12-14, liipangui.)
Jesús mandajpica mundo enteropimi casilla ali causai tianga. Chai punllacunapica tucui gentecunami huasita, ali trabajota, ashtaca micunatapash charinga. (Isaías 9:6, 7; 65:21-23, liipangui.)