Taita Diosta Rijsinaca ¿Imapita Ayudan?

Caicamanga Taita Dios Jehová shuti cajta, imashinapacha cashcata, ninandapacha juyaj cashcatapashmi yachajupashcanchi. Shinallata gentecunata juyaimanda imatalla rurashcata, jipacunapi imatalla ruragrijushcatapashmi yachajupashcanchi. Shinapash Taita Diosmanda ashtahuan yachajushpa catinaca ¿minishtirishcachu can?

Jehová Diosta ‘mascashpaca’, paipaman quimirita ushapanguimi (1 Crónicas 28:9). Taita Diosta rijsingapaj esforzarishpaca, paipa alipacha amigomi tucupangui (Salmo 25:14). Paipa amigo cashpaca ¿ima bendiciongunatata chasqui ushapangui? Ricupashun.

Cushillapachami causapangui. Bibliapica Jehová Diosca “cushilla Diosmi” can ninmi (1 Timoteo 1:11, NM ). Taita Diospa amigo cashpa, pai shina cangapaj esforzarijpica ali, cushilla, tranquilomi causapangui (Salmo 33:12). Shinallata, viciocunatapash ama charichun ayudashpami, ali cosascunatalla rurashpa causachun ayudanga. Chaimi Salmo librota escribij runagushna ni ushapangui “ñucamanda rimashpaca, Taita Diospajman quimirinaca aligupachami” can nishpa (Salmo 73:28).

Taita Diosca paipachami cuidasha nin. Jehová Diosca paipa amigocunataca “ñuca ñavihuanga ricuriasha” ninmi (Salmo 32:8). Chaica Jehová Dios paipa sirvijcunataca cada unota cuidajta, imata minishtijushcatapacha cujtami intindichin (Salmo 139:1, 2). Taita Dioshuan ashtahuan ali amigo cajpica, quiquinda tucuipi ayudajtami cuenta japipangui.

Jipa punllacunapica cushillapachami causapangui. Jehová Diosca cunanbillata, jipa punllacunapipash cushilla causachunmi ayudasha nin (Isaías 48:17, 18). Bibliapica ninmi: “Na llullaj shujlla Taita Dios cashpami, cambaj Churi Jesucristotaca cachamuhuarcangui. Shina cajta rijsishpallami, pipash causaita causagringa” nishpa (Juan 17:3). Taita Dios carasha nishca cushilla causaiguca barco ama volteachun shuj jirru ‘shinllitapacha charijunshnami’ can. Chaimandami imapash llaquicunahuan cashpaca ama yapata pinarijuchun ayudan (Hebreos 6:19).

Taita Diosca paipa ali amigo tucujpica shuj shuj bendiciongunatapashmi cusha nin. Cai temamanda ashtahuan yachangapaj munashpaca shuj testigo de Jehovahuan parlapangui, na cashpaca Internetpi jw.org paginata ricupangui.