Jesús Huañushcata Yarina Punllapi agradicishunchi
Jesús Huañushcata Yarina Punllapi agradicishunchi
1. Jesús Huañushcata Yarina tandanajuipica ¿imatata rurai ushapashun?
1 Lunes 14 de abriltami Jehová Diosta agradicita ushanchi. Shinapash ¿imashinata agradicina munaita charishun? ¿Imashinata agradicishcata ricuchishun? Lucas 17:11-18 textocunapica ricuchinmi, Jesuspash Jehovapash gentecuna agradicichunmi munan nishpa. Shinapash chunga runacunamandaca shujllami lepra ungüimanda jambijpica pagui ningapaj tigrarca. Shamuj punllacunapica Jesús paipa causaita cushcamandami tucui llaquicuna illaj unai unaicaman causashun. Chai punllacunaca cada punllami Jehová Diostaca ninanda agradicishun. Shinapash chai semanacunapica ¿imashinata agradicishcata ricuchishun?
2. ¿Imashinata agradicina munaita charishun?
2 ¿Imashinata agradicina munaita charishun? Agradicina munaita charingapaca Jesús imashina ayudashcatami yarina canchi. Yaringapaca Jesús nara huañushpallata ima pasashcatami Bibliapi liina canchi. Maijan textocunata liina cashcata yachangapaca Examinando folletopi o testigo de Jehovacunapa calendariopi ricupangui. Shinallata chai punlla liina textocunata familiahuan liishpapash alimi can. Shina liinami Jehová Diosta Jesusta agradicina munaita charichun, paipa ñaupajpi ali ricurichun ayudanga (2 Cor. 5:14, 15; 1 Jua4:11).
3. Agradicishcataca ¿imashinata ricuchi ushapanchi?
3 ¿Imashinata agradicishcata ricuchishun? Agradicina munaita charishpaca pagui ninami canchi (Col. 3:15). Lepra ungüita charij runaca Jesús jambijpimi Jesusta mascashpa pagui nirca. Ashtahuangarin tucui gentecunamanmi Jesusca jambihuarcami nishpa cushijushpa parlajushcanga (Luc. 6:45). Shinaca ñucanchicunapash agradicishcata ricuchingapaca Jesús Huañushcata Yarina campañapica tucui shunguhuan villachipashunchi. Shinallata chai punllacunapi precursorado auxiliarta japishpa o ashtahuan horascunata villachishpa agradicishcata ricuchishunchi. Ashtahuangarin, Jesús Huañushcata Yarina tandanajuipica cushijushpa invitadocunataca chasquipashunchi. Ima tapuicunata charijpipash cushilla contestapashunchi.
4. Jipacunaman ama arripintirijungapaca ¿imatata rurana capanchi?
4 Jesús Huañushcata Yaringapaj cai huata último cashcataca na yachanchichu (1 Cor. 11:26). Shinapash jipacunaman ama arripintirijungapaca cunanllatami agradicina canchi. Tucui shunguhuan yarishpa, ninanda agradicishpa villachishunchi. Shina rurajpica ninandami Jehová Diosca cushijunga (Sal. 19:14)