Alita ruranataca tucui shunguhuan yarichirishunchi

Hebreos 10:24​pica ninmi: “Caishujhuan, chaishujhuan ashtahuan juyarishpa, imata cashpapash alita ruranacunata yarichirishunchi” nishpa. Shinaca ñucanchi ejemplohuan, ñucanchi parlocunahuanmi shujcunataca animai ushanchi. Chaimandami villachijushpa ali experienciacunata charishpaca ñucanchi huauquipanicunaman parlana canchi. Ñucanchicuna Jehová Diosta cushijushpa sirvijpica shujcunapash cuenta japingami. Shinapash shuj huauquipanicunataca na ñucanchihuan o shuj huauquipanicunahuan chimbapurajunachu canchi (Gál. 6:4). ‘Caishuj chaishuj juyarishpa, alita ruranacunata yarichirina’ cashpapash ñucanchi imatapash nishcamandalla nali sintirishpa alita rurachunga na munanchichu (Benefíciese pág. 158 párr. 4​ta ricupangui). Ashtahuan juyarinata yarichirishpaca jahuallami shujcunaman imagutapash carashun o villachishun (2 Cor. 1:24).