Ashtahuan aliguta villachishunchi: yachajujcunata ali yachajuchun yachachishunchi
¿Imamandata minishtirishca can? Espiritualmente fucuringapaca, yachajujcunaca ashalla yachajushcahuanllaca na quedanachu can. Bibliataca ashtahuan alimi yachajuna can. Chai yachajushcataca yuyaipi, shungupimi charina can (Heb. 5:12–6:1). Bibliata ali yachajungapaca imata ña yachajushcata, imata chaira yachajushcahuan chimbapurashpami causaipi imashina pactachinata pensarina can (Prov. 2:1-6). Imatapash ali intindingapaca, yachajujcunaca paicunallata aliguta investiganatami yachajuna can. Yachajushcata pactachingapaj esforzarinaca, ima llaquicuna ricurijpipash Jehovata sirvishpa catichunmi ayudanga (Luc. 6:47, 48).
Cai quillaca caita rurapashunchi:
Shuj subtitulota o capitulota tucuchishpaca, yachajujtaca imata yachajushcata ashalla shimicunapi nichun mañapai. Pimanbash na yachachijushpaca, Bibliata ashata liishpa o Villajun revistamanda shuj parrafota liishpa, imata intindishcata ashalla shimicunapi nishpa yaripai. Chaita ruranami imata liijushcata ali intindichun ayudanga.