Grabaciongunataca ¿imashinata utilizashun?
1. Liina publicacionguna tiashpapash ¿imata ashtahuan tian?
1 Internetpi jw.org paginaman yaicushpami ashtaca gentecunaca ali publicaciongunata lii ushashca (Ecl. 12:10). Shinapash ¿grabaciongunataca uyai ushapashcanchichu? Grabashca ashtaca publicaciongunami jw.org paginapica tian. ¿Imamandata chai grabaciongunata uyanaca alipacha can?
2. Estudio personalpi, Familiahuan Adorana Tutapica ¿imashinata grabaciongunataca ali aprovechaita ushapanchi?
2 Estudio personal, Familiahuan Adorana Tuta. Maimanbash rijushpa o huasipi imatapash rurajushpa tiempo ali aprovechangapaj nishpa Bibliamanda, revistacunamanda o shuj publicaciongunamanda grabaciongunata uyanaca alipachami can (Efes. 5:15, 16, NM). Shinallata, Familiahuan Adorana Tutapica grabacionbi imata nijujta uyashpa ñucanchi publicaciongunapi catinapash alimi can. Ashtahuan aliguta liingapaj munashpa o shuj shimita yachajungapaj munashpapash estudio personalpi grabaciongunata uyanaca alimi can.
3. Villachijushpaca ¿picunamanda grabaciongunataca uyachi ushanchiman?
3 Villachina. Villachijujpica ashtaca gentecunaca ninmi, publicaciongunata liingapaca na tiempota charinllu nishpa. Shinapash, grabaciongunataca tal vez uyangapaj munangami. Cutin shujcunaca shuj shimitami parlan. Paicunapa shimipillata grabashca publicaciongunata uyachijpica tal vez uyangapaj munangami (Hech. 2:6-8). Huaquin llactacunamanda gentecunaca uyanatami ashtahuan gushtan. Hmong nishca gentecunapa ejemplota ricupashun. Paicunaca historiacunata huahuacunaman, chai huahuacunapash shuj huahuacunaman parlana costumbretami charin. Shinami paicunaca uyashca historiacunataca na cungan. África llactamanda gentecunapash historiacunata uyashpami yachajunata gushtan.
4. Villachingapaj rijushpaca ¿imacunapita pensari ushapanchi?
4 Cunanga quiquinba llactapi pensaripai. Paicunapa shimipillata uyachunga ¿shuj grabacionda uyachishpaca alicha canman? ¿Pimanda correopi shuj grabashca publicacionda cachai ushanchiman? Yachangapaj munajujta ricushpaca, shuj publicacionda apashpa, chai publicacionba grabacionda descargashpa shuj discopi grabashpa apanaca ¿alicha canman? Shuj tratado, revista, folleto, libro enterota formato electrónico nishcapi cachashpaca informe hojapi churanallami can. Grabaciongunaca estudio personalpi yachajungapajpash, muyuguta tarpunshna shuj gentecunaman Bibliamanda uyachingapajpash alipachami can (1 Cor. 3:6).