JESUSPA CHAQUITA CATISHPA CAUSASHUNCHI
Ashtahuan aliguta yachachishunchi—Yachachingapaca videocunata utilizashunchi
¿IMAMANDATA MINISHTIRISHCA CAN?
Videocunata ricuimanda, uyaimandami videocunapi yachachishcacunaca gentecunapa shunguman ashtahuan chayan. Videocunami gentecunataca ama aburririchun, imata ricushcata unaillata yarichun ayudan. Ñucanchipash paipa ejemplota catichunmi Jehová Diosca huaquin cosascunata ricuchishpa gentecunamanga yachachirca (Jer. 18:1-6; Apoc. 1:1).
Taita Diosca ¿ima shutita can?, ¿Pita Bibliataca escribichirca?, Biblia cabalta nijushcataca ¿imamandata crita ushanchi? nishca videocunaca Ali villaigucuna folletopa 4- 7 paginacunapi yachachishcacunata ashtahuan ali intindichunmi ayudan. Cutin ¿Imamandata Bibliata yachajuna capanchi?, Bibliamandaca ¿imashinata yachachinchi?, Ñucanchi tandanajuicunaca ¿imashinata can? videocunaca gentecuna Bibliata ñucanchihuan yachajuchun, tandanajuicunaman shamuchunmi animan. Huaquin videocunataca Bibliapi yachachijuj ratopimi ricuchinalla can—(km 5/13 3).
¿IMATATA RURASHUN?
Ricuchingapaj munashca videotaca ña descargashcallami charijuna cangui.
Videota ricushpa contestachunmi shuj o ishcai tapuita preparana cangui.
Igualmi videotaca ricuna canguichi.
Ashtahuan minishtirishca yuyaicunamandami parlana canguichi.
CAITAMI RURANA CANCHI:
Maijanbash tratadopa último paginapi tiajuj codigomanda parlashpa nipangui, caica ¿Imamandata Bibliata yachajuna capanchi? videota ricungapami can nishpa.
Biblia cabalta nijushcataca ¿imamandata crita ushanchi? nishca videota ricuchishca jipaca Ali villaigucuna folletota saquipangui. Página 6, 7pi yuyaicunamanda ashtahuanga parlapangui.