Ashtahuan aliguta villachishunchi: Cushilla parlajpica gentecunaca tal vez uyangapaj munangami

Na rijsishca gentecunahuan parlai callaringapaca ¿imatata rurai ushapanchi? Jesusca samaritana huarmiguman villachingapaca rijsishca cosascunamandami parlarca.

• Tucui gentecunahuan cushilla parlapangui. Jesusca shaijushca cashpapashmi samaritana huarmigumanga villachirca. Jesusca chai samaritana huarmigutaca yacuguta carahuai nishpami parlai callarirca. Shinallatami na rijsishca gentecunahuan parlai callaringapaca paicunata cushilla saludashpa, indijun o tamiagrijun nishpa, cunanbi imapash pasashcacunamanda parlapangui. Shina parlajpica gentecunaca tal vez uyangapaj munangami. Shinapash na uyangapaj munajpica ama llaquiripaichu. Shuj gentecunaman villachishpa catipai. Ama manllashpa villachingapaca Jehová Diosta mañapai (Ne 2:4; Hch 4:29).

• Taita Diospa Reinomandaca maipipash, tucuicunahuan parlangapaj esforzaripangui. Shinapash parlai callarijushpaca Diospa Reinomandaca na jaicata ninachu capangui. Chaipa randica shuj cosascunamandara parlapangui. Shina parlashpapash Jehová Diosmanda na parlai ushashca cashpaca ama llaquiripanguichu. Shinallata pipash na uyangapaj munajpica na obliganachu capangui. Taita Diosmanda na villachi ushashpapash, shuj cosascunamanda parlai callaringapaj esforzaripangui. [Video 1​ta ricuchishpa, huaquin tapuicunata rurashpa yachachipangui].

• Diospa Reinomanda villachingapaca ¿imatata rurana capangui? Quiquinba crishcacunamanda parlanallami capangui. Shina parlajpimi gentecunaca quiquinba crishcacunamanda parlangapaj munanga. Shinallatami Jesusca Samaritana huarmiguhuanga parlarca. Chaimi chai huarmiguca ashtacata Jesustaca tapurca. Shina tapujpimi Jesusca Taita Diospa Reinomanda villachi callarirca. [Video 2​ta, video 3​ta ricuchishpa, huaquin tapuicunata rurashpa yachachipangui].