Tucuicunami ali causaiguta charingapa munapanchi
¿Nachu jipa punllacunapi ali causangapaj munapanguiman? ¿Nachu talvez quiquinbash y quiquinba familiapash ali saludta charishpa, cushilla tranquilo causangapaj munapanguichiman? Ari nachu, tucuicunami shina causaiguta munanchi.
Shinapash na yashcapi tucui cosascuna cambiajta ricushpami, ashtaca gentecunaca shina ali causaiguta charitaca na usharingachu nin. Por ejemplo, COVID-19 pandemia tiashcamandaca ashtaca gentecunami culqui illaj quedashca. Shinallata huaquingunacarin huañuitami tarishca. Chaimandami ali causaigutaca nunca na charishunllu nishpa gentecunaca yuyan.
Ashtacacunaca jipa punllacunapi ali causangapaj munashpami imacunatapash ruran. Chaimandami huaquingunaca destinopi o suertepi crin. Cutin shujcunaca estudiashpa prepararina y culquita charinami ali causaiguta caramunga yashpa chaicunapi confian. Ñacutin shujcunaca ali persona canami ali causaigutaca caramunga ninmi.
Shinapash caicunaca, quiquin munashcashna ali causaiguta caramuitaca ushangacha ¿imata yuyapangui? Chaita yachangapaca caipi yuyapai:
Jipa punllacunapi ima pasanata yachangapaca ¿imatata gentecunaca ruran?
Estudianapash, culquita charinapash ¿jipa punllacunapi ali causaita charichun ayudanllu?
Ali gentecunapashmi llaquicunataca charin
¿Imata jipa punllapi ali causaiguta charichun ayudaita ushan?
Cai revistapimi cai tapuicunamandaca yachajuita ushapangui.