Taita Diospa Gobiernoca ñami mandajun

1. ¿Cunangunapica imata pactarijun?

CUNAN punllacunapi causai imashna cashcata ricushpaca ¿imashinata sintiripanchi? Cunanbica familiapurapillatami juyaica ñana tian. Gentecunaca cada vezmi ashtahuan millai nalicuna tucunajun. Y ashtaca gentecunaca autoridadta charij gentecunapica ñana confiangapaj munanllu. Cai cosascuna pasanajujta ricunaca jipa punllacunapi ali causaigu tianata confiachunmi ayudan. ¿Imamandata shina nipanchi? Porque 2 Timoteo 3:1-5​pi nishcashnami gentecunaca portarinajun. Cai textopimi ‘último punllacunapi’ imalla pasana cashcata ricuchin. Y chai cosascunami pactarijun. Ali shunguta charij gentecunaca cai profeciacuna pactarijujtaca alimi yachan. Cai profecía pactarijujta ricushpami Taita Diospa Gobiernopi Jesús ña mandajujta ricupanchi. Pero cai Gobiernomanda parlaj profeciacunaca taucacunami can. Shinaca cai último huatacunapi ima profeciacunalla pactarishcatami yachajugripanchi. Cai profeciacunamanda yachajunami ñucanchi feta shinlliyachinga.

2. Cai temapica ¿imatata yachajugripanchi? Caicunata yachajunaca ¿imapita ayudanga? (Callari dibujota ricupangui).

² Cai temapica ¿imatata yachajugripanchi? Primeroca, Taita Diospa Gobierno ima hora mandai callarishcata parlaj profeciamanda yachajugripanchi. Shinallata Taita Diospa Gobiernopi Jesús ña mandajushcata cuenta japichun ayudaj huaquin profeciacunatapashmi yarigripanchi. Y ultimopica Taita Diospa Gobiernopa contracunata ima pasanamanda parlaj profeciacunatami ricugripanchi. Cai tucui profeciacunaca shuj rompecabezaspa piezacunashnami can. Chaimandami shuj rompecabezasta paipa piezacunahuan completashpa rijpica imapacha cashcata ali yachai ushanchi. Shina cuendami cai profeciacuna pactarishpa catishpaca, Jehovapa punlla ña chayamujujta cuenta japichun ayudan.

TAITA DIOSPA GOBIERNO IMA HORA MANDAI CALLARISHCATACA ¿IMASHINATA YACHAPANCHI?

3. Daniel 7:13, 14​pi parlashca profeciaca ¿imapi confiachunda ayudan?

³ Daniel 7:13, 14​pi parlashca profeciaca, Jesús Taita Diospa Gobiernopi shuj ali Rey cana cashcata confiachunmi ayudan. Shinallata cai Reytaca tucui gentecuna tucui shunguhuan sirvina cashcata y cai Reyca para siempre mandana cashcatapashmi ricuchin. Pero Jesusca ¿ima horata mandai callarina carca? Daniel libropi shuj profecía nishcashnaca canchis huatacuna nishca tiempocuna yalijpimi chaica pactarina carca. Shinaca chai profecía ima hora pactarishcata ricupashunchi.

4. Ima huatapi Jesús mandai callarina cashcata yachachunga ¿imashinata Daniel 4:10-17​pi shimicunaca ayudan? (Notata ricupangui).

⁴ (Daniel 4:10-17​ta liipangui). ‘Canchis huatacuna’ nishca tiempoca 2.520 huatacunatami charin. Y cai canchis huatacuna nishca tiempoca Jesusca cai alpaman nara shamushca 607 huatamandami callarirca. Cai huatapimi babiloniocunaca Jehová Diosta cai alpapi representaj último reyta anchuchirca. Y cai canchis huatacuna nishca tiempoca 1914​pimi tucurirca. 1914 huatapimi Jehová Diosca paipa Gobiernopi Rey cachunga Jesusta agllarca. Paimi ‘mandanata japina’ derechota charin (Ezeq. 21:25-27).b

5. “Canchis huatacuna” nishca profeciata ali intindinaca ¿imashinata ayudan?

⁵ Cai profeciata intindinaca ¿imashinata ayudan? “Canchis huatacuna” nishca profeciata ali intindinaca Jehová Diospa promesacuna justo a tiempo pactarinata seguro cachunmi ayudan. Jehová Diosca paipa Gobierno ima hora mandai callarinatami villarca. Y chai villashca tiempo pactarijpimi paipa Gobiernoca mandai callarirca. Cai profeciata pactachishcashnallatami Jehová Diosca pai nishca shuj profeciacunatapash justo a tiempo pactachinga. Y paipa jatun punllapash “na unayangachu” (Hab. 2:3).

JESÚS ÑA MANDAI CALLARISHCATACA ¿IMASHINATA CUENTA JAPI USHAPANCHI?

6. a) ¿Cai alpapi ima cosascuna pasajujta ricushpata Jesús ña cielopi mandajushcataca yachapanchi? b) Jesús ña mandajushcata seguro cachunga ¿imashinata Apocalipsis 6:2-8​ca ayudan?

⁶ Jesús jahua cielopi ña mandajujta paipa discipulocuna cuenta japichunga, cai alpapi huaquin cosascuna pasana cashcatami Jesusca villarca. Por ejemplo guerracuna, yarjaicuna, terremotocuna tianatami nirca. Shinallata “tucui laya o tucui clase unguicunapashmi shuj shuj ladocunapi tianga” nircami. Y cunanbica COVID-19 pandemia unguimi tian. Cunanbi pasanajuj cai tucui cosascunami Bibliapi nishcashna Jesús tigramuna tiempo chayamushcata ricuchin (Mat. 24:3, 7; Luc. 21:7, 10, 11). Jesús huañushpa cieloman rishcamanda 60 huatacuna jipapashmi, Jesusca apóstol Juanmanga cai tucui cosascuna pasana cashcata seguro cachun ayudarca (Apocalipsis 6:2-8​ta liipangui). Bibliapi nishca shimicunaca 1914 huatapi Taita Diospa Gobiernopi Jesús mandai callarishcamandami ña pactarimujushca.

7. Jesús mandai callarishcamandaca ¿imamandata cai alpapica ashtaca llaquicuna tiashca?

⁷ Jesús mandai callarijpica ¿imamandata cai alpapi nali ruraicunaca ashtahuan mirashpa catirca? Apocalipsis 6:2​pica Jesús mandai callarishpaca shuj jatun guerrapi macanajushcatami ricuchin. Shinapash ¿picunahuanda macanajurca? Satanás y paipa nali angelcunahuanmi macanajurca. Apocalipsis capítulo 12​pica Satanás y paipa angelcunapash perdishpa cai alpaman shitai tucushcatami ricuchin. Chaimandami Satanasca ninanda culirashpa cai alpapi gentecunahuan desquitarijushcata ricuchin. Chaimandami Bibliapica: “Cai alpapash y mar yacucunapash, aij imachari tucunguichi” nin (Apoc. 12:7-12).

8. Cai profeciacuna pactarijushcata ricunaca ¿imashinata ñucanchitaca ayudan?

⁸ Cai profeciacunata intindinaca ¿imashinata ayudan? Jesús Rey shina ña mandajushcataca gentecuna imashina comportarinajushcata ricushpa y mundopi imacunalla pasanajushcata ricushpami cuenta japita ushapanchi. Gentecuna paicunapilla pensarishpa, shujcunatapash na ricunayachishpa nali tratajta ricushpaca na yapata llaquirinachu capanchi. Ashtahuangarin caicuna pasajujta ricushpaca Bibliapa profeciacuna pactarijushcatami yarina capanchi. Cai tucui cosascunata ricushpami Taita Diospa Gobierno ña mandai callarishcata seguro capanchi (Sal. 37:1). Shinallata Armagedón punlla chayamuna horascamanga ashtahuan nali ruraicuna mirashpa catinatapashmi yachapanchi (Mar. 13:8; 2 Tim. 3:13). Jehová Diosca ñucanchita ninanda juyaimandami, imamanda ñucanchicuna ashtaca llaquicunahuan causashcata ali intindichun ayudan. Shina ayudashcamandaca ¿nachu agradecido sintiripanchi?

TAITA DIOSPA GOBIERNOPA CONTRA SHAYARIJCUNAHUANGA ¿IMATA PASANGA?

9. Daniel 2:28, 31-35​pica ¿imatata último gobiernomandaca nin? Cai gobiernoca ¿ima horata callarirca?

⁹ (Daniel 2:28, 31-35​ta liipangui). Cai textopi parlashca profeciaca cunanbi pactarijujtami ricupanchi. Por ejemplo Nabucodonosor muscushca profeciapica “tucurimui punllacunapi” ima pasanatami ricuchijurca. Chai profeciaca Jesús ña mandai callarishca jipami pactarina carca. Bibliapi parlashca Jesuspa contraca cai alpapi ashtahuan poderta charij último gobiernomi can. Cai gobiernoca ‘jirruhuan turuhuan chapushpa rurashca chaquitami’ ricuchijun. Cai gobiernoca Primera Guerra Mundialpi Reino Unido y Estados Unidoshuan tandanajujpimi callarirca. Cai gobiernoca yalishca gobiernocunamanda imamanda diferente cashcata yachangapaca Nabucodonosor muscushca estatuamanda yachajupashun.

10. a) Reino Unido y Estados Unidoshuan tandanajushca llactacunamandaca ¿imatata Daniel libropi parlashca profeciaca ricuchin? b) ¿Imacunamandata cuidadota charina capanchi? (“¿Imamandata cuidarina capanchi?” nishca recuadrota ricupangui).

¹⁰ Reino Unidohuan y Estados Unidoshuan tandanajushca gobierno imapi diferente cashcata ricupashunchi. Cai gobiernoca jirruhuan turuhuan chapushcami can. Turuca gentecunatami ricuchin (Dan. 2:43, TNM). Y cai gentecunaca votaciongunapi participan, campañacunata ruran o derechocunata reclaman. Chaimandami cai gobiernocunaca paicunapa munashcataca na rurai ushan.

11. ¿Imamandata último punllacunapimi causanajunchi nita ushapanchi?

¹¹ Shinallata Reino Unido y Estados Unidos gobiernoca estatuapa chaquicunatami ricuchijun. Y cai gobiernoca Bibliapi nishcashnami último gobierno can. Shinaca cai gobierno jipaca ashtahuan gobiernocunaca ñana tiangachu. Cai gobiernota y shuj gobiernocunatapash Armagedón punllapimi Taita Diosca paipa Gobiernohuan tucuchishpa saquinga. Chaimandami último punllacunapi causanajunchi nita ushapanchi (Apoc. 16:13, 14, 16; 19:19, 20).c

12. Daniel libropica ¿imatata ashtahuan nijun? Caita yachanaca ¿imashinata ayudan?

¹² ¿Cai profeciata intindinaca imashinata ayudan? Daniel libropi parlashca profeciacunami último punllacunapi causanajushcata ashtahuan cuenta japichun ayudan. Danielca 2.500 huatacuna huashamanmi, Babilonia llacta tucuchi tucushca jipa, chuscu shinlli gobiernocuna shayarina cashcata y cai gobiernocunaca Taita Diospa pueblota atacana cashcata nirca. Shinallata Reino Unido y Estados Unidos llactacunaca ultimo gobierno cana cashcatami nirca. Caita yachanami ñucanchitaca consolashpa ninanda cushichin. Porque Taita Diospa Gobiernomi cai gobiernocunataca tucuchishpa saquinga y Taita Diospa Gobiernomi cai alpataca mandai callaringa (Dan. 2:44).

13. Apocalipsis 17:9-12​pi parlashca ‘octavo rey’ y ‘10 reycunaca’ ¿picunatata ricuchin? y ¿cai profeciaca imashinata pactarishca?

¹³ (Apocalipsis 17:9-12​ta liipangui). Primera Guerra Mundial callarishpaca ashtacatami llaquichirca pero Bibliapi parlashca shuj profeciapashmi pactarirca. Mundo enteromanda gobiernocunaca tucui ladopi tranquilo causai tiachunmi munarca. Chaimandami 1920 huatapica Sociedad de Naciones nishca organizacionda llujchirca. Pero 1945 huatapica cai organizaciondaca Naciones Unidas nishca organizacionhuanmi reemplazarca. Bibliapica cai organizacionga “octavo reymi can” ninmi. Pero cai organizacionga na shuj poderoso gobierno canllu. Ashtahuangarin cai organizacionga gobiernocunapa apoyohuanmi funcionan. Cai gobiernocunatami Bibliapica ‘10 reycuna’ nishpa rijsin.

14, 15. a) Apocalipsis 17:3-5​pica importante ‘Babilonia Llactamandaca’ ¿imatata nin? b) ¿Cunanbica panda religiongunahuanga imata pasajun?

¹⁴ (Apocalipsis 17:3-5​ta liipangui). Jehová Diosca apóstol Juanmanga shuj muscuipishnami culquimanda huainayaj shuj huarmita ricuchirca. Cai huarmica ‘Importante Babilonia Llacta’ nishca shutitami charirca. Y cai huarmica mundo enteromanda tucuilla panda religiongunatami ricuchin. Apóstol Juan muscuipishna ricushcacunaca ¿imatata ricuchin? Panda religiongunaca ashtaca huatacunatami gobiernocunata apoyashpa paicunahuan chapurishca cashca. Pero ñallapachami gobiernocunapa shungupica ‘paipa munaita pactachina pensamientota Taita Diosca paicunaman cunga’. Jehová Dios shina rurajpimi cai gobiernocunaca tucuilla panda religiongunata tucuchishpa saquinga (Apoc. 17:1, 2, 16, 17).

¹⁵ Importante Babilonia Llacta ñallapacha tucuchi tucunataca ¿imashinata yachai ushapanchi? Chaita yachangapaca caita yaripashun. Punda tiempopi Babilonia llactaca río Éufrates nishca muyuriami carca. Chai yacucunami chai llactataca protegin carca. Apocalipsis libropica importante Babilonia llactata apoyaj ashtacami millón gentecunamandami parlan. Chai gentecunaca chai llactata proteginajun ‘yacucuna’ cuenda can ninmi (Apoc. 17:15). Shinallata cai yacucuna chaquirina cashcatapashmi ricuchin. Caihuanga ashtaca gentecuna panda religiongunata ñana apoyashpa catina cashcatami ricuchin (Apoc. 16:12). Cai profeciaca ñami pactarijun. Ashtaca gentecunami panda religiongunamandaca llujshishca. Shinallata llaquicunata aguantashpa catingapaca shuj ladocunapimi ayudata mascan.

16. Naciones Unidas organización tiai callarishcata intindina y Importante Babilonia Llacta tucuchi tucunamanda parlaj profeciacunata intindinaca ¿imashinata ayudan?

¹⁶ ¿Cai profeciacunata intindinaca imashinata ayudan? Naciones Unidas nishca organización tiai callarishcata ricuna y panda religiongunatapash gentecuna ñana apoyajujta ricunami último punllacunapi causajushcata seguro cachun ayudan. Ciertomi Babilonia llactata protegij ‘yacucunaca’ tucurinajun. Shinapash chaimandallaca panda religiongunaca na tucuchi tucungachu. Ashtahuanbachaca Jehová Diosmi Naciones Unidas organizacionda apoyaj ‘10 reycunaman’ o gobiernocunamanga “paipa munaita pactachina pensamientota cunga”. Na yashcapimi cai gobiernocunaca panda religiongunataca tucuchishpa saquinga (Apoc. 18:8-10).d Importante Babilonia llacta tucuchi tucujpica mundo enteropi gentecunami ninanda manllaringa pero Jehová Diosta sirvijcunaca cushillami caita ushashun. Porque Jehová Diospa contrami tucuchi tucunga y ashtahuanbash ñucanchicuna salvarina tiempomi chayanga (Luc. 21:28).

TUCUI ÑALLA MEJORANAPI CONFIAPASHUNCHI

17, 18. a) Ñucanchi feta shinlliyachingapaca ¿imatata rurana capanchi? b) Cati temapica ¿imatata ricugripanchi?

¹⁷ Profeta Danielca: “Ima jatun yachajunacunapash, ninandami miranga” nircami. Y shinami pasajushca porque cunanbica ima profeciacunalla pactarijushcatami intindipanchi (Dan. 12:4, 9, 10). Cai profeciacunaca tucuillami cabal cabal pactarinajushca. Chaimandami Jehová Diostapash paipa Shimi Bibliatapash ninanda respetapanchi (Is. 46:10; 55:11). Chaimandami ñucanchi feta shinlliyachishpa catina capanchi. ¿Imashinata chaita rurai ushapanchi? Bibliatami constantemente yachajuna capanchi shinallata shujcunapash Jehovapa amigo tucuchunmi ayudana capanchi. Jehová Diosca paipi tucui confiajcunatami cuidanga shinallata ‘casilla ali causaigutapashmi’ caranga (Is. 26:3).

¹⁸ Cati temapica cai último punllacunapi Jesusta catij congregaciongunamanda parlaj huaquin profeciacunatami ricugripanchi. Shinallata cai profeciacunapash último punllacunapi causanajushcata cuenta japichun ayudan cashcatami ricugripanchi. Y ultimopica Jesús paipa catijcunata ñaupaman pushajushcata imashina yachai ushashcatapashmi ricugripanchi.