Bautizarinaca cushichinbachami

Jesusca paita catijcuna tucungapaj munashpaca, bautizarina minishtirishca cashcatami nirca (Mateo 28:​19, 20, liipangui). Pero bautizarinaca ¿imata can? Pipash bautizaringapaj munashpaca ¿imatata rurana can?

1. Bautizarinaca ¿imata can?

Griego shimipi bautizarina nishpaca yacupi “pambana” nisha ninmi. Jesús bautizarijushpaca, Jordán yacupimi pambai tucurca. Y jipamanga chai ‘yacumanda llujshirca’ (Marcos 1:​9, 10). Ciertopacha cristianocunaca bautizarishpaca, cuerpo enteromi yacupi pambai tucun.

2. Pipash bautizarishpaca ¿imatata ricuchin?

Pipash bautizarishpaca Jehová Diostalla sirvingapaj decidishcatami ricuchin. Jehová Diostalla sirvingapaj decidishcataca ¿imashinata shuj personaca ricuchin? Chaita ricuchingapaca nara bautizarishpallatami “Jehová Dios candallami para siempre sirvisha” nishpa shuj oracionbi mañana can. Shina rurashpaca paipa tucui causaipi Jehová Diostalla adorangapaj munashcata, Jehovapa munaita siempre pactachingapaj munashcatapashmi ricuchin. Y chai oracionda rurashpaca, chai personaca ‘paipa munaita’ saquishpa, Jesuspa ejemplota ‘catishpa causangapaj’ decidishcatapashmi ricuchin (Mateo 16:24). Jehová Diostalla sirvingapaj decidishca horasmanda y bautizarishca horasmandapachami Jehová Dioshuanga alipacha amigocuna tucupanchi. Shinallata Jehovata sirvijcunahuanbashmi shuj familiashna tucupanchi.

3. Bautizari ushangapaca ¿imatata rurana capanchi?

Bautizaringapaj munashpaca Jehová Diosmanda yachajuna, paipi feta charishcatapashmi ricuchina capangui (Hebreos 11:6 liipangui). Jehovamanda ashtahuan yachajushpaca, paitaca ashtahuanmi juyapangui. Quiquinba fepashmi shinlliyanga. Y Jehovata juyaimadaca, shujcunamanbash predicana munaita, shinallata Jehová Dios mandashcashna causana munaitapashmi charipangui (2Timoteo 4:2; 1 Juan 5:3). Quiquin ‘Jehová Dios munashcashna aliguta causashpaca’, Jehovatalla sirvingapaj decidina munaita, shinallata bautizaringapapashmi munapangui (Colosenses 1:​9, 10).a

ASHTAHUAN YACHAJUPASHUNCHI

4. Jesús bautizarishcamanda yachajupashunchi

Jesús bautizarijujpi imacunalla pasashcata yachangapaca, Mateo 3:​13​manda 17​caman liipangui. Chai jipaca cai tapuicunata contestapangui:

• ¿Llullu huahuagu cashpachu Jesusca bautizai tucurca?

• ¿Umapi yacuhuan shutuchishpallachu Jesustaca bautizarca?

Jesús bautizarishca jipaca, Jehová Dios mingashcatami pactachi callarirca. Lucas 3:​21​manda 23​caman y Juan 6:​38​ta liishpa, cai tapuita contestapangui:

• Jesús bautizarishca jipaca ¿ima ruraipita ninanda empeñarirca?

5. Bautizarina munaitaca tucuicunallatami pactachi ushapanchi

Jehová Diostalla sirvingapaj decidinapi y bautizarinapi pensashpaca, tal vez ashata manllapanguipashchari. Shinapash Bibliamanda ashtahuan ashtahuan yachajushpa y Jehovatapash ashtahuan rijsishpaca, cai importante decisionda agllangapaj ashtahuan seguromi sintiripangui. Cunanga picunalla caita ña decidishcataca, cai cati VIDEOPI ricupai.

VIDEO: Jehová Dioshuan ali amigo tucungapaj esforzarishunchi (1:​11)

Juan 17:3 y Santiago 1:5​ta liishpa, cai tapuita contestapangui:

• Quiquin bautizaringapaj listo cachunga ¿imata ayudanga?

1. ‘Jehová Dios candallami para siempre sirvisha’ nishpa oracionbi mañashpami paitalla sirvingapaj decidishcata ricuchipanchi

2. Bautizarishpaca tucuicunapa ñaupajpimi Jehovatalla sirvingapaj ña decidishcata ricuchipanchi

6. Bautizarishpaca Jehovapa familiami tucupanchi

Bautizarishpaca mundo enteropi Testigocunahuan shuj familia cuendami tucupanchi. Shuj shuj llactamanda cashpapash o pundacunapi imasha causashca cashpapash, tucuicunallatami chaitallata cripanchi. Shinallata Bibliapi nishcashnami causapanchi. Salmo 25:14 y 1 Pedro 2:​17​ta liishpa, cai tapuita contestapangui:

• Cai versocunapi nishcashnaca, bautizarishpaca ¿imashinata beneficiaripanchi?

YARINGAPAJ

Jesusca, cristianocuna tucungapaca bautizarinami canguichi nircami. Y chai metata pactachingapaca Jehovapi tucui shunguhuan cringapaj, paipa nishcacunata catingapaj esforzarina, shinallata Jehová Diostalla sirvingapami decidina capangui.

¿Imatata yachajupashcanchi?

• Bautizarinaca ¿imata can? Y chaita decidinaca ¿imamandata importante can?

• Bautizarishpaca ¿imatata ricuchipanchi?

• Pipash bautizaringapaj munashpaca ¿imacunatallata rurana can?

CAITAPASH RICUPAI

Bautizarina imapacha cashcata, shinallata bautizarinamanda imashina panda yuyaicunata shujcuna yachachishcatapash ricupai.

“Bautizarinaca ¿imata can?” (jw.org paginapi ricupangui)

Bautizaringapaj imacunatalla rurana cashcata ricupai.

“Jehová Diosta juyaimandami bautizarina capanchi” (Villajun revista, marzo de 2020)

Shuj mishugu imamanda bautizaringapaj decidishcata ricupai.

“Ñucamandallata Bibliapa yachachishcacuna cabal cashcata cuenta urmachunmi munarca” (Villajun revista, 1 de febrero de 2013)

Bautizarina munaita charina imamanda importante cashcata, shinallata bautizaringapaj imashina prepararina cashcatapash ricupai.

“¿Bautizarinacha cani?” (Lo que los jóvenes preguntan. Respuestas prácticas [volumen 2], capítulo 37)