• ¿Tucui fiestacunachu Jehová Diospa ñaupapica ali can?
    Para Siempre Cushilla Causapashunchi: Bibliamanda Yachajupai

    • Efesios 5:10​ta liishpa, cai tapuicunata contestapangui:

      • Imapash fiestacunata ruranata o na ruranata yachangapaca ¿imacunamandallata seguro cana capanchi?

      • Quiquin causajushca pushtupica ¿ima fiestacunatallata ruran?

      • Chai fiestacunataca ¿Jehová Diosca alicha ricun?

      Por ejemplo, cumpleañoscunamandaca Jehová Diosca ¿imatata yuyan? Bibliapica Jehová Diosta sirvijcuna cumpleañoscunata celebran cashcataca na parlanllu. Pero Jehová Diosta na sirvij ishcai personacuna cumpleañosta rurashcatami parlan. Génesis 40:20​manda 22​caman y Mateo 14:6​manda 10​caman liishpa, cai tapuicunata contestapangui:

      • Cai ishcai cumpleañoscunamanda parlashpaca ¿imacunapillata igual can?

      • Cai textocunapi liishcashnaca Jehová Diosca cumpleañoscunamandaca ¿imatashi yuyan? ¿Imata nipanguiman?

      Talvez pensaripashcanguichari: Bibliapa yachachishcacunahuan na de acuerdo caj fiestacunata o cumpleañoscunata ñuca rurajpica ¿Jehová Diosca ciertopachacha nali sintiringa? Éxodo 32:1​manda 8​caman liishpa y cai VIDEOTA ricushpa, cai tapuicunata contestapangui:

      VIDEO: Taita Dios nalicachishca fiestacuna costumbrecunapash (5:07)

      • Jehová Dios imacunatalla gushtajtaca ¿imamandata ali yachana capanchi?

      • ¿Imashinata chaitaca rurai ushapanchi?

      Imapash fiestacunata Jehová Dios gushtajta o na gushtajtaca ¿imashinata yachai ushapanchi?

      • ¿Bibliapa yachachishcacunahuanga en contrachu can? Chaita yachangapaca imashina chai fiesta tiai callarishcata investigapangui.

      • ¿Gentecunata, organizaciongunata o banderacunata ninanda alicachishcatachu ricuchin? Ñucanchica Jehová Diostallami alicachinchi. Shinallata Jehová Dioslla cai mundopi tiashca problemacunata tucuchinapipashmi confiapanchi.

      • Chai ruraicunaca ¿Bibliapa yachachishcacunata na pactachij ruraicunachu can? Ñucanchi tucui causaipi, yuyaipipash limpio cangapami esforzarina capanchi.

  • Jehová Dios gushtashca diversiongunata agllapashunchi
    Para Siempre Cushilla Causapashunchi: Bibliamanda Yachajupai
    • Lección 53. Paipa ushigundimi shuj cusahuarmica televisionda ricunajun.

      LECCIÓN 53

      Jehová Dios gushtashca diversiongunata agllapashunchi

      Jehová Diosca cushi Diosmi can (1 Timoteo 1:11). Jehová Diosca ñucanchicuna cushilla, ali causachunmi munan. Shinallata trabajajushpapash samangapaj tiempoguta llujchichunmi munan. Cai leccionbica Jehová Dios munashcashna diversiongunata imashina agllana cashcatami ricugripanchi.

      1. Imapash diversiongunata agllagrijushpaca ¿imatata yaipi charina capanchi?

      Tranquilo ali sintiringapaca ¿imata ruranatata gushtapangui? Huaquingunaca huasipi tranquilo yalinata, liinata, musicata uyanata, peliculacunata ricunata o internetpi imacunatapash ricunatami gushtan. Cutin shujcunaca amigocunahuan puringapaj, nadangapaj, pugllangapaj rinatami gushtan. Maijan diversiongunata agllagrijushpapash ñucanchi rurashcacuna Taita Diospa ñaupapi ali cachunmi imatapash rurana capanchi (Efesios 5:10). Chaitaca siempremi yaipi charina capanchi. Shinapash gentecuna gushtashca huaquin diversiongunaca Jehová Diospa ñaupapica nali diversiongunami can. Por ejemplo gentecunaca macanajunacunahuan, inmoralidad sexual ruraicunahuan, brujeriahuan chapushca diversiongunahuanmi divertirin (Salmo 11:5, liipangui). Ali decisiongunata agllachunga ¿imata ayudanga?

      Jehová Diosta juyajcunahuan amigo tucushpaca Jehová Diosta ashtahuan ali sirvichun, ali diversiongunata agllachunmi ayudanga. Lección 48​pica “alipacha yachajushca runacunahuan tandanajuj runaca alipacha yachajushcami canga” nishcatami yachajurcanchi. Shinallata Jehová Diosta na cazuj gentecunahuan amigo tucushpaca ‘ninanda llaquichi tucunatami’ yachajurcanchi (Proverbios 13:20).

      2. Diversiongunapi mashna tiempota yalinataca ¿imamandata ali ricuna capanchi?

      Sano diversionguna cajpipash ama yapa tiempota chaicunapi yalingapami cuidadota charina capanchi. Diversiongunapi yapa tiempota yalishpaca espiritual ruraicunapaca tiempoca na pactangachu. Bibliapica tiempotaca aligutami aprovechana canguichi nishpami consejan (Efesios 5:​15, 16, liipangui).

      ASHTAHUAN YACHAJUPASHUNCHI

      Cunanga diversiongunata ali agllangapaj imata ruranatami yachajugripanchi.

      3. Nali diversiongunamanda caruyapangui

      Diversiongunataca ¿imamanda ali ricushpa agllana capanchi? VIDEOTA ricushpa cai tapuicunata contestapangui:

      VIDEO: ¿Ima pugllaicunahuanda cushilla yalita ushani? (4:39)

      • Punda tiempocunapi macanajujcunahuan cunan tiempopi tiashca huaquin diversiongunahuanga ¿imapita igual can?

      • Videopi ricushcashnaca Dannyca ¿imatata yachajurca?

      Romanos 12:9​ta liishpa, cai tapuita contestapangui:

      • Cai textoca ¿imashinata ñucanchi diversiongunata ali agllachun ayudan?

      ¿Maijan ruraicunatata Jehová Diosca na ricunayachin? Proverbios 6:16 y 17 y Gálatas 5:19​manda 21​caman liishpa, cai tapuita contestapangui:

      • Cai textopi nishcashnaca ¿maijan ruraicunata cunanbi tiashca huaquin diversiongunapica ricurin?

      Diversiongunataca ¿imashinata ali agllaita ushapanchi?

      Caipi yuyapai:

      • ¿Imacunahuanda chapurishca can? ¿Jehová Dios millanayachishca ruraicunahuanllu chapurishca can?

      • ¿Imahorata ruranchi? ¿Importante ruraicunata rurana horaschu chaicunatara ruranajunchi?

      • ¿Picunahuanda cani? ¿Jehová Diosta na sirvijcunahuanllu yapa tiempota yalini?

      Ama llaqui apangapaca pata patacamanga na rinchimanllu. Shinallatami ñucanchica nalishnalla ricurij diversiongunamandapash caruyana canchi.

      Carroca pata patatami rijun. Jacata urmangashnami rijun.

      4. Quiquinba tiempota ali utilizapangui

      VIDEOTA ricushpa cai tapuita contestapangui:

      VIDEO: ¿Imapita ashtahuan tiempota yalipanchi? (2:45)

      • Videopi ricushca huauquigu nalita na rurajushpapash ¿tiempotaca alichu utilizajurca?

      Filipenses 1:10​ta liishpa, cai tapuita contestapangui:

      • Cai textoca ¿imashinata ñucanchi mashna tiempota diversiongunapi utilizanata decidichun ayudan?

      5. Ali diversiongunata agllapangui

      Jehová Diosca huaquin diversiongunataca na gushtanllu. Shinapash ashtaca ali diversiongunami tian. Chai ali diversiongunata agllashpami ñucanchillata cushilla caita ushashun. Eclesiastés 8:15 y Filipenses 4:8​ta liishpa, cai tapuita contestapangui:

      • ¿Ima ali diversiongunatata gushtapangui?

      Cai fotocunapica shuj shuj edadcunata charij gentecuna sano diversiongunahuan cushilla cajtami ricupanchi: 1. Shuj chiquillaguca musicata uyashpandimi dibujajun. 2. Quimsa jovengunami basquetta pugllanajun. 3. Ishcai huahuacunaca bicicletapi calparianajun. 4. Shuj huahuaguca carroguhuanmi pugllajun. 5. Shuj jariguca tambortami tocajun. 6. Shuj taitaca paipa churiguhuanmi videojuegota pugllanajun. 7. Shuj huarmiguca fotocunatami llujchijun.

      Sano diversiongunata agllashpami cushilla yalita ushapanchi.

      HUAQUINGUNACA, “Brujeriacunahuan, macanajuicunahuan, jarihuan huarmihuan canata ricuchij diversiongunata ricunaca imapash nalica na canllu, chaicunata ruranami nali canman” ninmi.

      • ¿Imatata quiquinga yuyapangui?

      YARINGAPAJ

      Jehová Diosca ali diversiongunata agllashpa cushilla yalichunmi munan.

      ¿Imatata yachajupashcanchi?

      • Cristianocunaca ¿ima diversiongunatata na ruranchi?

      • Diversiongunapi ama yapa tiempota yalingapaca ¿imamandata cuidadota charina capanchi?

      • ¿Jehová Dios gushtashca diversiongunatachu agllangapaj munapangui? ¿Imamanda?

      Caita rurapai

      CAITAPASH RICUPAI

      Ñucanchi diversiongunata pi agllana cashcata ricupai.

      “¿Testigo de Jehovacunaca cai peliculacuna, musicacuna o librocunami prohibido can nishpachu shuj listapi anotashca charinajun?” (jw.org paginapi ricupangui)

      Diversiongunata imashina ali agllana cashcata liipai.

      “Ñucanchi agllashca diversiongunaca ¿alichu can?” (Villajun revista, 15 de octubre de 2011)

      “Shuj raza gentecunata na ricunayachinataca saqui usharcanimi” nishca temapi shuj jarigu imamanda nali diversiongunata saquishcata ricupangui.

      “Bibliami gentecunapa causaita cambiashca” (Villajun revista, 1 de febrero de 2010)

      Espiritismohuan chapurishca peliculata shuj huarmigu na agllashcata ricupai.

      Espiritismohuan chapurishca diversiongunamandaca caruyanami capanchi (2:02)