LECCIÓN 2

Respetohuan intindirinallaguta parlapangui

Lucas 6:45a

¿IMATATA RURANA CAPANGUI? Quiquin parlajuj temamanda imata yuyashcata, quiquinda uyajcunamanda imata sintishcatami shungumanda parlana capangui.

Jehovata mañashpa aliguta prepararipangui. Tranquiloyashpa quiquin imata nigrijushcapirapash pensaringapaca, Jehovata mañapangui. Maijan yuyaicunata intindichinataca yaipi charipangui. Escribishca tiajujtalla catishpa nijunapa randica, chai yuyaitallatami quiquinba shimicunapillata nina capangui.

Bibliamanda, o shuj publicacionmanda imatapash liigrijushpaca, aliguta liingapami repasana capangui. Gentecuna imata nishcata liigrijushpaca, na yapata exagerashpachu liina capangui.
Shungumanda parlapangui. Gentecuna ali villaicunata minishtinajujtaca yaipi charipangui. Shinami, maquicunata ashaguta alzashpa o ashaguta cuyuchishpa cushilla, juyaihuan parlai ushapangui.

Gentecuna intindichun munashpa parlashpapash respetohuan parlapangui. Ali villaicunata parlajushcamandaca, tucui shimicunatami aliguta pronunciashpa parlana capangui.
Ricushpami parlana capangui. Quiquinba llactapi gentecuna na culirajpi, ali cana cajpica ñavita ricushpami parlai ushapangui. Shuj discursota cujushpaca, na tucuicunatachu de golpe ricuna capangui. Chaipa randica, huaquinbi huaquinbimi shujta shujta asha ratoguta ricuna capangui.