CÁNTICO 130
Perdonarinami capanchi
(Salmo 86:5)
1. Ñucanchicunata
salvangapami Diosca
paipa juyashca Churita
huañuchun cachamurca.
Chaimi Jesuspa shutipi
perdonahuai nijpica,
Jehová Diosca ñucanchita
llaquishpa perdonanlla.
2. Ñucanchicunapash
perdonajlla cajpimi,
Jehová Diospash ñucanchita
llaquishpa perdonanga.
Shujcuna llaquichijpipash
na risintirishpami,
randimanda juyarishpa
perdonarina canchi.
3. Perdonarishpami
huauquipanicunaca
familia ucupurashna
cushilla, caita ushanchi.
Taita Jehová Diosca ninmi,
perdonajcunataca
ashtacata llaquishpami
siempre juyasha nishpa.
(Caitapash liipangui Mat. 6:12; Efes. 4:32).