Aliguta mudarinaca ¿imamandata importante can?

Tucuicunallatami vistiringapaca diferente gustocunata charipanchi. Ropata churajunamanda Bibliapa consejocunata cazushpaca ñucanchillatami cushilla sintirishun y Jehová Diostapashmi cushichishun. Jehová munashcashna churajungapaca Bibliapa huaquin consejocunata ricupashun.

1. Imashna vistirinata yachangapaca ¿Bibliapa maijan consejocunata ayudanga?

Cristianocunaca ima ropata churajushpapash na pinganaita aliguta mudaringapami esforzarina capanchi. Shinallata Taita Diosta sirvij cashcata ricuchingapaca siempre limpio puringapami esforzarina capanchi (1 Timoteo 2:9, 10). Cai textomanda chuscu yuyaicunata ricupashun: 1) Ñucanchica aligutami mudarina capanchi. Jehová Diospa organizacionbica cada unomi shuj shuj gustocunata charipanchi. Shinapash ñucanchi ropapash, ñucanchi imashna arreglarishcapash Jehová Diosta respetashcata, adorashcatami ricuchina can. 2) Pinganaita na churajuna nishpaca yapa ajustado ajustado ropacunata o transparente ropacunata na churajunatami nijun. Shinallata ñucanchitalla ricuchun nishpaca na pinganai ropacunataca churajunachu capanchi. 3) Aliguta pensarishpa mudarina nishpaca cada mushuj ropa llujshishcata na siempre catina cashcatami ricuchin. 4) Ñucanchi churajushca ropaca Jehová Diosta catij cashcatami ricuchina can. Aliguta vistirishpa y aliguta arreglarishpami Jehová Diosta ciertopacha adorajcuna cashcata ricuchita ushapashun (1 Corintios 10:31).

2. Ñucanchi vistirishcacunaca ¿imashinata shuj cristianocunataca afectaita ushan?

Ñucanchicuna imashina vistirinataca ñucanchillata agllana derechotami charinchi. Shinapash shujcunata ama pandachingapaca aliguta pensarishpami vistirina capanchi. Shujcunata pingaichingapaj o nali sintichingapaca na munapanchichu. Chaimandami cada uno shujcunata ali sintichingapaj esforzarina capanchi. “Paicunapa alipallata y paicuna shinlli tucuchunmi alita rurana capanchi” nishca consejotami pactachina capanchi (Romanos 15:1, 2, liipangui).

3. Shujcunapash Jehová Diosta rijsina munaita charichunga ¿imashinata vistirina capanchi?

Maipi cashpapash o imata rurangapapash aliguta vistiringapami esforzaripanchi. Ashtahuanbachaca congregacionba reuniongunapa, predicacionman llujshingapami aliguta agllashpa churajuna capanchi. Ñucanchi imasha vistirishcamanda shujcuna ali villaigucunata na uyangapaj munachunga na munapanchichu. Ashtahuangarin ñucanchi churajushcacunamanda shujcunapash Taita Diosmanda yachajuna munaita charichunmi munapanchi. Shinami “Taita Diospa yachachishcacuna juyaillagu cajta” ricuchi ushapashun (Tito 2:10).

ASHTAHUAN YACHAJUPASHUNCHI

4. Aliguta churajushpaca Jehová Diosta respetashcatami ricuchinchi

¿Imamandata aliguta vistiringapaj esforzaripanchi? Salmo 47:2​ta liishpa cai tapuicunata contestapangui:

• Jehovapa shutimanda villajcuna caimandaca ¿imashinata vistirina capanchi?

• Reuniongunaman ringapaj y predicacionman llujshingapaca ¿imamandata aliguta vistirina capanchi? ¿Imamandata shina yuyapangui?

5. Ñucanchi ropata ali agllangapaca ¿imatata rurana capanchi?

VIDEOTA ricupai.

VIDEO: ‘Taita Diosca punchapambagumi ni tucuchunmi tucuita rurana canguichi’ (10:18)

Valishca ropata na charishpapash, limpio y aligu ricurichunmi ashtahuanbachaca esforzarina capanchi. 1 Corintios 10:24 y 1 Timoteo 2:9, 10​ta liishpa cai tapuicunata contestapangui:

• ¿Imamandata na maipashcachun vistirina capanchi?

• ¿Imamandata yapa ajustado o pinganai ropataca na churajuna capanchi?

Moisesman cushca leyta ñana catishpapash cai leypimi Jehová Dios imata pensashcata yachaita ushapanchi. Deuteronomio 22:5​ta liishpa cai tapuita contestapangui:

• ¿Imamandata huarmicunapash jarishna, o jaripash huarmishna vistirinaca na ali can?

1 Corintios 10:32, 33 y 1 Juan 2:15, 16​ta liishpa cai tapuicunata contestapangui:

• Ñucanchi causashca pushtupi o congregacionbi pitapash ñucanchi churajushcacunahuan nali sintichijushpaca ¿imatata rurana capanchi? ¿Imamandata shina rurana capanchi?

• Quiquin causashca pushtupica gentecunaca ¿imashnata vistirinata yachan?

• ¿Chai ropacunataca shuj cristianoca churajunallachu can? ¿Imamandata shina yuyapangui?

YARINGAPAJ

Ropata aliguta churajushpa y aliguta vistirishpaca Jehová Diosta y shujcunatapash respetashcatami ricuchipanchi.

¿Imatata yachajupashcanchi?

• ¿Imamandata Jehová Diosca aliguta mudarichun munan?

• Imashina vistirinata yachachunga ¿Bibliapa maijan consejocunata ayudanga?

• Shujcuna Jehová Diosman quimirina munaita charichunga ¿imashinata ñucanchicunaca vistirina capanchi? Ñucanchi ali o nalita vistirijta ricushpaca gentecunaca ¿imatata Jehová Diosta sirvijcunamandaca yuyanga?

CAITAPASH RICUPAI

Ñuca imashna vistirishcata ricushpaca shuj gentecunaca imashnata ricuhuanga nishpa pensaripai.

“Ñuca churajushca ropata ricushpaca ¿imatashi gentecunaca ninga?” (jw.org paginapi ricupangui)

Nara imapash tatuajeta rurarishpallata imamanda aliguta pensarina cashcata ricupai.

“¿Tatuajecunata rurarinaca malochu can?” (jw.org paginapi ricupangui)

Ali decisiongunata japingapaj Bibliapa shuj consejocunatapash ricupai.

“¿Jehová Dios munashcashna ropatachu churajunchi?” (Villajun revista, septiembre de 2016)

Shujcuna imashna arreglarishcata, imashna vistirishcata respetachun, aliguman ricuchunga ¿imatata shuj huarmigutaca ayudarca?

“Ñuca munashcashna vistirinataca na saquingapaj munashpami na progresai usharcani” (Rijcharipaichi revista, 22 de diciembre de 2003)