Genesis
28 Chasnami, Isaacca Jacobta cayara, paita bendiciasha casna mandara: “Canaan llactamanda mana ima huarmigunatas apina changui. 2 Padan-Aram llactama ri, canba mamahua yaya Betuelba huasita ri. Chaibi, Labanba shuc ushihuan cazarai, paiga camba mamahua turi man. 3 Tucui Ushayuc Diosmi canda bendicianga, ashca huahuagunata cunga, camba miraigunata mirachinga. Canga, ashca llactaguna muntun tucungui. 4 Paimi, Abrahanda cushca bendicionda cunga, canda, canba miraigunatas bendicianga. Dios Abrahanda cushca llacta, can purisha causashca llactaga camba quiquin llacta manga”. 5 Chasnami, Isaacca Jacobta dispirisha cachara. Chi huasha, Jacob Padan-Aram llactata rira, arameo runa Betuelba churi, Laban causashcama rira. Paiga Rebecahua turi mara, Jacob y Esauba mama.