Genesis
3 Chasnami, Jehova Dios rashca sachaibi tiac tucui sacha anilmalgunamanda paluga mas sabiru ara. Paluga huarmita tapura: “Diosca cangunata sirtutachu nishca: ‘Cai jardinbi auc tucui ruyagunamanda ama micunguichichu’”. 2 Huarmiga paita contestara: “Jardinbi auc ruyagunamanda muyuta micunata ushanchimi. 3 Pero, jardin chaupibi shayac ruyamanda, Diosca rimara: ‘Chi muyuta ama micunguichichu, mana, mana chi muyuta llangana changuichi. Chita rashaga, huañunguichimi’”. 4 Huarmi rimashca huasha, paluga paita nira: “Chi muyuta micushahuas, mana huañunguichichu. 5 Dios yachanmi, chi muyuta micushca punzhallaita, canguna ñahuiguna pascaringauna, chasnallata Dios shina tucunguichimi: alita mana alitas ricsinguichi”. 6 Chasnami, huarmiga chi ruyamanda muyu, micungahua ali ashcata ricura, paiba ñahuiraicu munanayacta ricuric ara. Chasna man, chi ruyaga ñahuiraicu munanayacta ricuric mara. Chiraicu, paiga chi muyuta apishami, micungahua callarira. Chi huasha, paiba carihuan aushcaibi, muyuta paita cura, paihuas chi muyuta micura. 15 Canhuan huarmihuanbas piñachisha, chashnallata camba miraihuan paihua miraihuanbas piñachisha. Paiga camba umata nitinga, can paihua chaqui talonda chugrichingui. 16 Diosca huarmita nira: “Can huicsayashcaibi, can quiquin turmintugunata ashcata mirachisha, nanaihuan huahuayangaraungui. Canba carihuan anata yapacta munangaraungui, pai canda tucuibi mandanga”. 17 Chasnallata, Adanda nira: “Canba huarmita uyashcamanda, ‘ama micunguichu’ nishca ruyamanda muyuta micushcangui. Chiraicu, canba culpamanda cai allpaga maldiciashca saquirin. Camba causaibi caran punzha allpamanda muyuta surcungahua sinzhita tarabangaraungui. 18 Allpaga casha huita manga, canga sachamanda muyugunata micungaraungui. 19 Allpama tigranagama, tandata micungahua camba urintimanda umbisha sinzhita tarabangaraungui. Allpa pulbu mangui, allpa pulbumallata bulltiangui”. 23 Chimandami, Jehova Diosca Eden sumac pistumanda paigunata llucshichisha cachara, allpaibi tarpusha causachun nisha, chimandallata rashca ashcamanda. 24 Chiraicumi, runata llucshichisha cachara, Eden sumac pistuma indi llucshishca partibi querubingunata churara, chasnallata tucui uras muyuriu nina saulita churara. Chasnami, causaima apac ruyama mana pactangahua arcara.