Job
1 Job nishca runa, Uz llactaibi tiyara. Paiga mana culpaibac, tucuita alita rac, Diosta manzasha mana ali ranamanda caruyac mara. 6 Sirtu Diospa churiguna, Jehovahua ñaupacpi yaicuna punzha pactarira, Satanaspas paigunapuraibi aura. 7 Chasnami, Jehova Satanasta tapura: “Maimandata shamungui”. Satanas, Jehovata casna rimara: “Allpata muyurisha puriumi shamuni”. 8 Jehova randi Supaita rimara: “Ñucata sirvic Jobta ricushcanguichu. Pai shina runa allpaibi mana pihuas tiyanzhu. Paiga mana culpaibac, tucuita alita rac, Diosta manzasha mana ali ranamanda caruyac man”. 9 Casnami, Satanas Jehovata rimara: “Jobca yangallachu Diosta manzhashca”. 10 Manachu, canga paita, paiba huasita, pai tucui charishcata cuirangahua shuc cercata shina churashcangui. Pai maquihuan tarbashcata bendiciashcangui, paiba huagraguna tucui partibi mirashcauna. 11 Cunanga, camba maquita chutasha, tucui pai charishcata quichui. Can casna racpi, camba quiquin ñahuibi maldiciaitucungui. 12 Jehova randi, Satanasta rimara: “Ricui, tucui pai charishca camba maquibi maun. Pero paita ama imatas raichu”. Chasnami, Satanasca Jehovahua ñahuimanda rira. 13 Chihuasha, paihua churiguna, ushiguna, paiguna punda huauquihua huasibi micusha vinuta upiushcaibi, 14 paita sirvic runa shamusha Jobta nira: ”Toroguna allpata chapuunaura, burroguna paiguna mayambi quihuata micuunaura, 15 chibi sabeo runaguna shamusha, canda sirviccunata espadahuan huanchisha, camba animalgunata apanaura. Ñuca sapalla quishpirani, canda caita cuintangahua”. 16 Cai runa chara rimaushcaibi, shuc randi shamusha rimara: “Ahua pachamanda Diospa nina urmara. Chi nina ovejagunata, sirvic runagunatas rupachisha huanchira. Ñuca sapalla quishpirani, canda caita cuintangahua”. 17 Cai shuc chara rimaushcaibi, shuc randi shamusha rimara: “Caldeo runaguna quimsa muntun tucusha, camba camellogunata apanaura, chasnallata canda sirviccunata huanchinaura. Ñuca sapalla quishpirani, canda caita cuintangahua”. 18 Cai runa chara rimauushcaibi, shuc randi shamusha casna rimara: “Camba punda churihua huasibi, churiguna, ushiguna micusha vinuta upiunaura. 19 Cungaimanda shuc manzhanaita huaira, chaquishca allpamanda shamusha, huasi chuscu istandita huactasha, cai huasi maltaguna ahuai urmasha, paigunata nitisha huanchira. Ñuca sapalla quishpirani, canda caita cuintangahua”. 20 Caita uyasha, Jobca atarisha, paihua llachapata liquirira. Uma acchata lluchui ruturira. Chi huasha allpai urmasha cungurisha, 21 caita nira: “Llatanllami ñuca mamahua huicsamanda llucshirani, llatanllami bulltiasha. Jehovami cushca, Jehovami quichushca. Jehovahua shuti alabashca catichun”. 22 Tucuibi Jobca mana uchata rimarachu, Diosta mana culpasha caudsayachirachu.