Eclesiastes
3 Imatas rangahua shuc timpu tian; cai allpaibi caran ranagunaraicu shuc timpu tian: 2 pagaringahua timpu, huañungahua timpu; tarpungahua timpu, tarpushcata pilangahua timpu; 3 huanchingahua timpu, ambingahua timpu; urmachingahua timpu, shayachingahua timpu; 4 huacangahua timpu, asingahua timpu; turmintaringahua timpu, bailangahua timpu; 5 rumigunata tucsingahua timpu, rumigunata muntunangahua timpu; quipiringahua timpu, mana quipiringahua timpu; 6 mascangahua timpu, chingarishcata saquingahua timpu; huacaichingahua timpu, ichungahua timpu; 7 liquiringahua timpu, sirangahua timpu; chunlla saquiringahua timpu, rimangahua timpu; 8 llaquingahua timpu, piñangahua timpu; guerrata rangahua timpu, cungailla causangahua timpu tian. 11 Diosca, paiba timpuibi, tucuita sumacta rashca. Paiga runagunahua shungüibi huiñaibac causana munaita churashca, chasna ashahuas, runagunaga sirtu Dios rashcata mana ima uraspas tucuita intindingaunachu. 19 Runaguna tucushca shina, animalgunahuas chasnallata tucun: huinguna chasnallata huañusha tucurin. Animal huañushca shina, runaga chasnallata huañun, huinguna causangahua samaillatata charin. Chiraicu, runaguna animalgunamandas mana yapa balic chanaun, tucui yanga ashcamanda. 20 Huinguna chi pistumallata rinaun. Huinguna pulbumanda shamunaun, huinguna pulbumallata bulltianaun.