Alita rasha gustuta pasashaga Jehovata cushiyachishun

Jehovaga “cushi Dios” man (1 Timoteo 1:11, TNM). Paiga ñucanchi cushi causanauchun munan. Ñucanchi tarabanamanda timputa llucshichisha samanauchun munan. Cai yachana partibi, lugarta charisha cushi pasangahua ima rana ashcata ricungaraunchi. Caita rashaga, imashina Jehovata cushiyachina ushashcata yachangaraunchi.

1. Ali gustuta pasangahua imatata rana anchi

Samaushcai, cungailla pasangahua imatata rangui. Maicangunaga huasibi ausha lugarta charisha, shigrata, ashangata o atarayata ahuasha pasanaun. Chasnallata, shuccunaga musicata uyanaun, peliculagunata ricunaun, internetpihuas imatas ricunaun. Shuccuna randiga, amigogunahuan yacui huaitasha pugllanaun. Ñucanchi imatas raushahuas, “Yaya Dios munashcata” rana anchi (Romanos 12:2). Jehova munashcata rana, imahuata ali an. Maican runaguna cushilla pasangahua, macanacunahuan, irus ranagunahuan, bruju ranagunahuan timputa yanga pasanaun. Pero, caigunata Jehovata mana gustanzhu (Salmo 11:5​ta leipai). Alita rasha cushilla pasangahua imata yanapaitucushun.

Alita rasha pasangahua, Jehovata llaquic amigogunata charina, ñucanchita yanapaitucushun. Caitaga, 48 yachana partibi yacharanchi. Chibi nira: “Maican runa sabiru runagunahuan purishaga sabirumi tucunga”. Randi, maican, Jehova mandashcata mana casuc runagunahuan apanacushaga “mana alitachu ritucunga” (Proverbios 13:20).

2. Tucui uras ñucanchi gustashca cosascunallata rasha pasana chanchi

Ali cosascunata rasha pasashahuas, chi cosascunaibi mana yapacta timputa, yanga pasana chanchi. Tucui uras can gustashcagunata rashaga, balishca cosascunata rangahua timputa mana charinguimachu. Bibliaga, “tucui uras alita rasha causaichi” nin (Efesios 5:15, 16​ta leipai).

CAIMANDA MASTA YACHAI

Cushilla pasangahua imata rana ashcata ricushun.

3. Alita rasha pasana anchi

Imahuata ñucanchita cushiyachic cosascunata alita anllana anchi. VIDEOTA ricuichi, huasha cai tapuigunamanda cuintanacuichi:

VIDEO: Ima tunu pugllanagunatata anllana ani (4:39)

• Callari timpuibi macanacusha pugllanaguna, cunan timpuibi maican pugllanaguna shina chan. Caigunaga, imaibita pariulla ricurinaun.

• Videoibi ricushca maltaga, pugllanamanda imatata intindira.

Romanos 12:9​ta leichi, huasha cai tapuimanda cuintanacuichi:

• Cai Bibliamanda textoga, alita rasha pasangahua imasata yanapaitucunchi.

Imagunatata Jehovaga mana gustan. Proverbios 6:16, 17 y Galatas 5:19-21​ta leichi. Caran textota leishca huasha, cai tapuimanda cuintanacuichi:

• Cai texto nishca shina, cunan punzhagunai maican runaguna imatata ranaun.

Cushilla alita pasangahua imaibita yuyana anchi

Tapuri:

• Ima tunu tan. Casna pasanata Jehovaga gustanzhu.

• Ima uras. Mas balishca cosascunata rana randiga, shuc cosascunata rashachu yanga timputa pasauni.

• Pihuanda pasauni. Jehovata mana llaquic runagunahuanzhu apanacusha ashca timputa pasauni.

Turmintuibi mana urmangahua, chimanda uctalla caruyanchi. Chasnallata, ñucanchita huaglichic cosascunamanda uctalla caruyana anchi.

4. Can charishca timpuhuan alita rai

VIDEO: Camba timpuhuan yangallachu pasangui (2:45)

• Videoibi ricushca huauqui, mana aligunata mana raushahuas, paiba timpuhuan imata rashata yanga pasaura.

Filipenses 1:10​ta leichi, huasha cai tapuimanda cuintanacuichi:

• Ñucanchi gustashcata raushcaibi masna timputa pasangahua, cai versiculo imashinata yanapaitucunchi.

5. Alita sintiringahua alita rai

Jehovaga mana alita rasha pasanagunata mana gustanzhu. Pero, shuc ali pasanagunata gustanmi. Ñucanchi caita rasha cushi sintirishun. Eclesiastes 8:15 y Filipenses 4:8​ta leichi, huasha cai tapuimanda cuintanacuichi:

• Cushilla pasangahua, imata ranatata gustaitucungui.

IMATA YACHASHCANGUI

Jehovaga ñucanchi alita rasha cushilla pasanauchun munan.

Yachashcata cuintai

• Jesusta caticcunaga ima mana ali cosascunamandata caruyanchi.

• Ñucanchi gustashcagunata raushaga, ashca timputachu pasana anchi. Imahua.

• Can cushilla alita pasangahua, Jehova gustashcagunatachu ranata munangui. Imahua.

CANLLATA MASTA YACHAI

Imata rasha pasanata, pita anllana an.

“Testigo de Jehovagunaga mana ricuna peliculagunata, mana uyana musicagunata, mana leina librogunata shuc listata charinaunzhu” (jw.org internet pistuibi)

Imata rasha imashina timputa pasanamanda leipai.

“Alita rasha cushillachu pasangui” (La Atalaya, 15 de octubre de 2011)

“Shuccunata piñanata saquirani” nisha cuintashcata leipai. Chi quillcashcaibiga, shuc runa imahua maican pugllanagunata saquishcata ricui.

“Bibliaga runaguna causaita cambian” (La Atalaya, 1 de febrero de 2010)

Supai rashcagunamanda anchuringahua, shuc huarmi alita yuyasha imata rashcata ricui.

Supai rashcagunahuan chapurishca peliculagunata ama ricuichu (1:59)