Amazi Manene​—Ni Vwaha Yahuliza? Ni Vwaha Yatahuliza?

Mu madiku ga Nuhu vandu vanyingi vakolaa madamanu. Litanga 6:5, Kitabu Kitakatifu, 1986

Adamu na Hawa vanyola vana ni vava vandu avanyingi mu lilova. Mu inyinga yene yeyo zingelosi ziahambana na Setani mmbuhing’ani vwene yivyo.

Vaza ku lilova nivigilung’anya kuva ni immbili jia vandu kunangwa valete avakali. Avakali yavo viivula avana vaali mindu minene ijiali ni zingulu ziu kutihiza.

Kivala chamanya chizula avandu vaakola amadamanu. Ivangeri ivola: ’Vuli umundu yaali muchamu ku lilova kandi kuli zing’anagani ziavo ziali zindamanu vuli ing’inga.’

Nuhu yahuliza Nyasaye naalomba iliato. Litanga 6:13, 14, 18, 19, 22

Nuhu yali mundu mulahi. Yahova yavolela Nuhu aladiviza avadamanu na amazi amanene.

Kandi Nyasaye yavolela Nuhu, alombe liato ma avikimu aviinyumba yeye na vuli lugano lwosi lwi zinyama.

Nuhu yiganihiza avandu ku Mazi Amanene gaali ni gaza, nitali si vahulila mba. Vandi va museka na vandi vamusula.

Lwa Nuhu yamala kulomba liato, ni yiingiliza mu zinyama.