Salamo

24 NO Iehova te enua, e tona ki katoa ra; te ao nei, e tei noo i reira.

2 Nana ïa i akatinamou i te reira ki runga i te au tai, e kua akamou aia i te reira ki runga i te moana.

3 Naai e kake i te maunga o Iehova? e koai te tu i tona ra ngai tapu?

4 Ko tei mā te rima, e te ngakau viivii kore; ko tei kore i akaiki i tona vaerua i te tuatua pikikaa, kare oki i taputou ma te pikikaa.

5 Tona te meitaki e rauka mai no ko ia Iehova ra, e te tuatua-tika no ko i te Atua o tona ra ora.

6 Ko te uki teia i kimi iaia; ko tei kimi i to mata, e te Atua o Iakoba. Sela.

7 E akateitei ana i to kotou upoko, e te au ngutupa e! e kia akateitei katoaia kotou, e te au pa vaio ngata e! kia o atu te ariki kakā ki roto na.

8 Koai teia ariki kakā? Ko Iehova ïa, ko tei mana e te ririnui; ko Iehova ïa e mana i te tamaki anga ra.

9 E akateitei ana i to kotou upoko, e te au ngutupa e! e kia akateiteiia kotou, e te au pa vaio ngata e! kia o atu te arîki kakā ki roto na.

10 Koai teia ariki kakā? Ko Iehova Sabaota ïa, koia taua ariki kakā ra. Sela.