Salamo

4 KIA kapiki atu au ra, e akarongo mai, e te Atua, e tei akatika mai iaku ra; kua akaoraia mai au e koe i toku tumatetenga anga ra: e aroa mai iaku, e akarongo mai i taku pure.

2 Mei te aa te roa, e te tamariki a te tangata na o to kotou akariro anga i toku nei kakā, ei mea akama? to kotou inangaro anga i te puapinga kore, e te kimi anga i te pikikaa? Sela.

3 Kia kite maira kotou, kua ikiia e Iehova te tangata akono i te Atua ra nona uaorai; ka akarongo mai a Iehova kia kapiki atu au kiaia.

4 Te tupu ra te riri ra, auraka ra e rave i te ara: ka akaeatu ana i to kotou ngakau, ki runga i to kotou au roi, akaroau uaʼi. Sela.

5 Ei atinga tuatua-tika ta kotou e apai; ka irinaki atu ei ia Iehova.

6 Manganui tei tuatua e, Naai e akakite mai i te meitaki kia tatou nei? E nānā mai, e Iehova, i te mārama o to mata ki runga ia matou nei.

7 Kua oronga mai koe i te rekareka i roto i toku ngakau, kua maata ïa i to ratou i te tuatau i akamaataiaʼi te sitona e te wina ra.

8 E akāvai rai au ki raro ma te ora, e ka moe rai oki, no te mea, naau anake ra, e Iehova, i noo ei au ma te ora.