Te Aue o Ieremia

4 AUE te auro i moneneu ua e! te auro meitaki rava ra i te tu ke e! te au toka tapu ra i te akaruke aere i te openga mai o te au arataa katoa e!

2 Te au tamariki memeitaki a Ziona, e tau ki te auro meitaki roa ra, aue, kua manakoia mei te āriki karakaraea i angaia e te rima o te potera ra!

3 Te oronga nei oki te au puaka taae ra i te u, te akangote nei i ta ratou au punua: riro atura ra te tamaine a toku iti-tangata nei ei aroa kore, mei te au ione o te medebara.

4 Kua piri te arero o te kai u ki tona vaa i te kaki vai: kua pati te au tamariki i te kai, e kare rava e tangata e o atu na ratou.

5 Te aronga i kai i te manga memeitaki ra, tei rere a mate ua i roto i te au arataa ra: ko tei pakari i te kakau anga i te muramura ra, kua tiraa ua ïa ki runga i te tiringa teita.

6 Kua maata te utunga o te tamaine a toku nei au tangata, i te utunga a Sodoma, ko tei uritumu uaia mei te kamo anga mata nei, kare i raveia e te rima nei.

7 Tona au Nazira ra, e viivii kore ïa i to te kiona, e teatea maata to ratou i to te u nei, e kutekute maata to ratou kopapa i to te poe, e te inuinu mei to te saphiro ïa:

8 I teianei e kerekere maata to ratou mata i to te poiri, kare ratou i kitea i te au arataa nei: kua piri to ratou kiri ki to ratou ivi, kua mimiroia, e kua riro mei te rakau ra.

9 E ngari ake to tei taia i te koke nei, i tei mate ua i te onge; kua unui uaia oki teianei aronga, i koputa roaia, no te mea kua ngere i te manga o te enua nei.

10 Na te rima o te vaine tangi nei i tunu i ta ratou uaorai tamariki, kua riro ïa ei kai na ratou i te pou anga i te tamaine a toku nei iti-tangata.

11 Kua akatupu a Iehova i te riri akaoko nana, kua riringi ua aia i te viviki o tona riri; e kua tutungi i te ai i Ziona, e kua pou tona au tumu ra.

12 Kare oki te au ariki o te enua ma to tei noo i te ao katoa nei i manako e, e o te ekai e te au enemi ki roto i te au ngutupa i Ierusalema.

13 No te ara teia a tona ra au peroveta, e te kino o tona ra kau taunga, ko tei akamaringi ki rotopu iaia ra i te toto o te aronga tuatua-tika ra.

14 Kua uoa aere ua ratou ki roto i te au arataa mei te matapo, kua akaviivii oki ratou ia ratou uaorai i te toto, e kare ua atura to ratou kakau e tika kia arapaki ua atu.

15 Kia atea atu, e te aronga viivii, kua kapiki mai ratou kia ratou; kia atea atu, kia atea atu, auraka e akatukia; e kia rere ke ratou e kia ori ua, kua na ko maira to roto i te etene ra, Kare ratou e oki e noo.

16 Kua akapueu te mata o Iehova ia ratou, kare rava e akono akaou ia ratou; kare oki ratou i akangateitei i te aroaro o te kau taunga, e kare i kite ua atu i te aronga pakari.

17 Kareka matou nei, kua poepoe to matou mata i te tiaki anga i to matou tauturu puapinga kore; i to matou tauturu puapinga kore; i to matou tauturu puapinga kore; i to matou tapapa anga, kua tapapa matou ki te enua kare e tika i te akaora ia matou.

18 Kua moetapapa ratou i to matou aerenga, e kare atura e tika kia aere na roto i to matou au arataa; te vaitata maira to matou openga; kua ope to matou puke rā; kua tae ki to matou openga.

19 E viviki maata to tei arumaki ia matou i to te au aeto o te au rangi ra, kua arumaki mai ratou ia matou ki runga i te au maunga, i roto i te medebara to ratou moetapapa anga ia matou.

20 Te aʼo o to matou rua putaiu nei, tei akatainuia e Iehova ra, tei rauka i roto i to ratou au vaarua ra; ei raro ake i tona marumaru, ta matou i karanga ra e, e oraʼi matou i roto i te pa enua nei.

21 Kia rekareka, e kia pereperekavana marie, e te tamaine a Edoma e, i tei noo ki te enua ra o Uza; e tae katoa taua kapu nei ia koe, e riro oki koe i te akakonaia e ka vai taaka ua.

22 Kua rava atura taau utunga, e te tamaine a Ziona, kare aia e apai tuikaa akaou ia koe, e tutaki mai aia i toou kino, e te tamaine a Edoma e, no taau ara, e apai tuikaa ei aia ia koe.