Levitiku

21 KUA tuatua mairā Iehova kia Mose, E karanga atu koe ki te kau taunga ra ki te tamariki na Aarona, e na ko atu kia ratou, Auraka rava kotou kia viivii i te tangata mate i o ou na;

2 Mari ra ko tei piri roa iaia uaorai, mei te metua vaine, e te metua tane, e te tamaiti, e te tamaine, e te taeake ra, 3 E te tuaine paretenia nona orai, kare rai i noo tane na; kia viivii ua atua aia i te reira.

4 Auraka ra aia e akaviivii iaia uaorai i te akanoa anga iaia uaorai, e tangata maata oki aia i rotopu i tona uaorai iti-tangata.

5 Auraka ratou e mangore teatea i to ratou mimiti, auraka oki ratou e varu i to ratou kumikumi, auraka oki ratou e kotikoti i to ratou kopapa. 6 Ei aronga tapu ratou no to ratou Atua, auraka ratou e akanoa i te ingoa o to ratou Atua: no te mea ko ratou te apai i te au atinga ai a Iehova ra, i te kai a to ratou Atua ra: kia tapu oki ratou e tikaʼi. 7 Auraka ratou e akaipoipo i te vaine akaturi, e tei moe uaia; auraka ta ratou ei vaine akatakaia i tana tane ra: e tapu oki aia no tona ra Atua.

8 E teianei, ei tangata tapu aia ia koe; no te mea te apai nei aia i ta to Atua ra kai: kia tapu aia ia koe: no te mea, te tapu nei au ko Iehova, ko tei akatapu ia kotou.

9 Kia akaviivii te tamaine a tetai taunga iaia uaorai i te akaturi, kua viivii tona metua tane iaia: ka taʼuia aia ki te ai.

10 Ko te taunga maata ra i rotopu i tona ai taeake, ko tei riringiia te manongi akatainu ki runga i tona mimiti ra, i tei akataoongaia ra, i akakakauia ki te au kakau tapu ra, auraka aia e vaoo ua i tona mimiti, auraka oki e aeae i tona kakau; 11 Auraka oki aia e aere ua atu ki te pae o te tangata mate, auraka oki aia e akaviivii iaia uaorai i tona metua tane, e tona metua vaine;

12 Auraka aia e aere ki vao i te ngai-tapu ra, ko te viivii aea te ngai-tapu o tona Atua iaia; te vai rai te korona o te manongi akatainu a tona Atua ra ki rungao iaia: ko au ko Iehova. 13 Ko te paretenia ra tana e akaipoipo ei vaine.

14 I te vaine takaua ra, e te vaine akatakaia ra, e tei moe uaia ra, e akaturi, auraka aia e rave i te reira; ei paretenia no roto i tona uaorai tangata ra tana e akaipoipo ei vaine;

15 Ko te viivii aea oki tona uanga iaia i rotopu i tona iti-tangata ra naku oki, na Iehova, i akatapu iaia.

16 Kua tuatua mairā Iehova kia Mose, na ko maira,

17 E karanga atu koe kia Aarona, e na ko atu, Auraka te kino i toou ra uanga, e ope ua ake to ratou au uki ra, e akavaitata mai, ei apai mai i te kai a tona Atua.

18 Auraka rave oki te kino e akavaitata mai; auraka te tangata matapo, e te pirikoki, e te putaiu parara, e te kata.

19 E te tangata vaevae aati, e te rima aati,

20 E te tua mingi, e te poto ua, e te mata kana, e tei pakaia ra, e tei uneia, e tei tatāia ra.

21 Auraka rava tetai kino no te uanga o te taunga ra o Aarona, e akavaitata mai ei apai i te au atinga ai a Iehova ra: e kino aia: auraka aia e akavaitata mai ei apai i te kai a tona ra Atua. 22 Ka kai aia i te kai a tona ra Atua, i te au mea tapu, e te au mea tapu maata ua atu:

23 Auraka ra aia e tomo ki roto i te paruru ra, auraka oki e akavaitata ki te atarau ra, no te mea e kino aia; ko te viivii aea oki te au mea tapu naku ra iaia; naku oki, na Iehova, i akatapu i te reira.

24 Kua akakite atura oki a Mose kia Aarona, e ki tana au tamariki, e ki te tamariki katoa a Iseraela.