Deuteronomi

6 TEIA te au akauenga, te au akonoanga, e te au tuatuatau, ta to kotou Atua ta Iehova i akaue mai kia apiiia atu ia kotou, ei akono anga na kotou i te enua ta kotou e aere e rave nei ei nooanga:

2 Kia mataku oki koe i toou Atua ra ia Iehova, e kia mako tikai i tana au akonoanga ravarai, e tana au akauenga, taku e akaue atu kia koe na; ko koe, e taau tamaiti, e to utaro, i te au rā katoa o to ora anga na; e kia akaroaia oki toou na au rā.

3 E akarongo mai, e Iseraela, e akono meitaki kia rave; kia meitaki koe, e kia maata rava koe, i taua enua taʼe a vai ua te u e te meli ra, i ta te Atua no toou ai metua ta Iehova i tuatua mai kia koe ra.

4 E akarongo mai, e Iseraela e: Ko Iehova to tatou Atua, okotai Iehova.

5 E teianei, e inangaro atu koe i to Atua ia Iehova ma to ngakau katoa, e ma to vaerua katoa, e ma to maroiroi katoa.

6 E teianei au tuatua taku e akaue atu kia koe i teianei rā, ei roto i toou ngakau vai ei;

7 E ka apii tamou tikai koe i te reira ki taau au tamariki, ko taau ïa e tuatua kia noo ua koe i roto i to are, e kia aere ua koe na te arataa ra, e kia akāvai koe ra, e kia tu koe ki runga ra.

8 E tākai oki koe i te reira ki runga i to rima ei akairo; e ei tarae ki mua tikai i to mata na.

9 E tata oki i te reira ki runga i te u pou o to are ra, e ki runga katoa i to au ngutupa ra.

10 E kia apaiia koe e to Atua e Iehova ki runga i te enua tana i taputou atu ki to ai metua ra, kia Aberahama, kia Isaaka, e kia Iakoba, e e oronga mai aia noou ra; e au oire mamaata, e te meitaki, kare i patuia e koe ra;

11 E te au are i ki i te au mea memeitaki katoa, kare taau i akaki ra, e te au ruavai i koia, kare taau i ko ra, te au kainga vine e te olive kare taau i tanu ra; kia kai ra koe e kia merengo ra;

12 Kia matakite ia koe i reira ko te ngaropoina aea a Iehova ia koe, tei arataki mai ia koe mei te enua maira mei Aiphiti, mei te ngutuare i tuikaa ai ra.

13 Ko to Atua ra ko Iehova taau e mataku, e koia taau e akamori, ka taputou oki koe i tona ingoa.

14 Auraka kotou e aru i te au atua ke, i te au atua no te au tangata i akapini ia kotou ra;

15 Ko te tupu aea te riri o to Atua ra o Iehova ia koe, ko te pou aea koe iaia i runga i te enua na: e Atua vareae oki to Atua ra ko Iehova i rotopu ia koe na.

16 Auraka kotou e akakoko atu i to kotou Atua ia Iehova, mei ta kotou i akakoko iaia i Masa ra.

17 E mou piri tiaki koe i te au akauenga a to kotou Atua ra a Iehova, e tana au tuatua-akakite, e tana au akonoanga, tana i akaue mai kia koe ra.

18 E rave oki koe i te tuatua-tika e te meitaki ki mua i te aroaro o Iehova ra; kia meitaki oki koe, e kia tae oki koe, e kia rauka ia koe te enua meitaki ta Iehova i taputou atu ki to ai metua ra,

19 I te tuaru ke anga atu oki i toou katoa au enemi ki mua ia koe, i ta Iehova oki i tuatua maira.

20 Kia ui ua mai to tamaiti kia koe a muri atu, kia na ko mai e, Eaa teianei au tuatua-akakite, e te au akonoanga, e te au tuatua-tau, i ta to tatou Atua ta Iehova i akaue mai kia kotou?

21 Ei reira koe e karanga atu ei ki taau tamaiti, E tavini tatou no Pharao i Aiphiti; e na Iehova tatou i arataki mai mei Aiphiti mai i te rima marōrō:

22 E akairo oki ta Iehova i rave, e te piri maata, e te mate, ki runga i to Aiphiti, ki runga ia Pharao, e ki runga katoa i tona ngutuare, ki mua i to tatou mata:

23 E kua arataki maira aia ia tatou ki vao, kia arataki mai aia ia tatou ki ko nei, e kia oronga mai aia i te enua no tatou i tana i taputou mai ki to tatou ai metua.

24 Kua akaue mai a Iehova ia tatou e, e rave i taua au akonoanga katoa nei, e kia mataku tatou i to tatou Atua ia Iehova, kia meitaki tatou i te au rā katoa, kia akaora aia ia tatou mei teia oki i teianei rā.

25 Ka riro ïa ei tuatua-tika na tatou; kia akono tatou e kia rave i taua au akauenga katoa nei ki mua i te aroaro o to tatou Atua ra o Iehova, tana i akaue mai kia tatou.