Isaia

8 KUA tuatua mairā Iehova kiaku, Ka rave koe i tetai tataanga maata, ka tataʼi ki rungao ki te peni a te tangata ra, Mahera-salala-hasa-baza.

2 Kua rave atura au i nga kite pikikaa kore ra, ko Uria taunga ra, e ia Zekaria te tamaiti a Ieberekia ra.

3 E aere atura au ki te peroveta vaine ra; e nui iora aia, e anau maira e tamaiti. Kua tuatua mairā Iehova kiaku, Ko Mahera-salala-hasa-baza taau ingoa kia tapa iaia.

4 Kare oki taua tamaiti ra e kite i te tuatua e, E pa e, e ake e, e apai keiaʼi te apinga o Damaseko, e te apinga o Samaria, ki mua i te aroaro o te ariki no Asura ra.

5 Kua tuatua akaou mairai a Iehova kiaku, na ko maira,

6 No te mea kua akaruke teianei aronga i te vai i Siloa, tei taʼe marie ra, e kua paapaa ia Rezina, e te tamaiti a Remalia ra;

7 E teianei, i na, te apai maira te Atu ki rungao ia ratou, te vai o te kauvai ra, tei ririnui, e tei viviki, koia te ariki no Asura, e tona katoa ra kakā: e e puke aia na runga i tona au kauvai rikiriki katoa ra, e e maringi katoa ïa na rungao i tona au nia ra:

8 E na roto aia ia Iuda i te aere; i te puke aere anga, e te tamoana katoa anga, e taea roaia te kaki; e tae te totoa anga o ona peau ki te pararauare roa o toou enua, e Imanuela e!

9 E akataae mai kotou, e te au tangata na, e ka atiatiia kotou; e ariu mai i te taringa, e to te pa enua mamao katoa ra: e rakei ia kotou, e ka atiatiia kotou; e rakei ia kotou, e ka atiatiia kotou:

10 E kimi marie i te tuatua, e riro ra ei mea puapinga kore; e tuatua kotou i te tuatua, kare ra e mou: tei ia matou oki te Atua.

11 Kua na ko maira oki a Iehova kiaku, ma te rima ririnui, e kua ako maira iaku e, auraka au e aere na te arataa o teianei aronga na ko maira, Auraka kotou e karanga e,

12 E kotikoti kupenga, i te au mea ta teianei au tangata e karanga nei e, E kotikoti kupenga; auraka oki kotou e mataku i ta ratou e mataku ra, auraka oki e ngarangara.

13 Ko Iehova Sabaota ra, ta kotou e akatapu; koia oki ta kotou e mataku, e ta kotou e ngarangara.

14 E riro oki aia ei akapuanga; ei toka tukiaanga ra, e ei mato turorianga ki nga ngutuare e rua o Iseraela ra; ei manu e ei ereere i to Ierusalema.

15 E manganui te ka turori i te reira, e e inga, e paruparu, e ii, e e rauka.

16 Ka ruru ana i te tuatua-akakite, ka topiri ana i te ture, no taku au pipi.

17 E tatari oki au ia Iehova, ko tei uuna i tona mata i te ngutuare no Iakoba, e manakonako rai au iaia.

18 I na, ko au, e te au tamariki ta Iehova i oronga mai naku ra, ei au akairo oki e ei umereanga i Iseraela nei; na Iehova Sabaota ra, ko tei noo i te maunga ra i Ziona.

19 E kia tuatua mai ratou kia kotou, E kimi atu ki te au taura vaerua kino, e ki te au purepure, kia ratou oki tei kiokio mai, e ko tei mutamuta ra; auraka ainei te tangata e kimi tika atu ki to ratou Atua? E kimi atu ainei i ta tei ora ki tei mate?

20 Ei te ture, ei te tuatua-akakite: kia kore ta ratou tuatua e tau ki te reira tuatua, kare atura e mārama i o ratou.

21 E aere ra ratou na rotopu i te enua nei, ma te tinai-mate e te pongi; e kia mate ratou i te pongi ra, e makitakita maata ia ratou uaorai, ka tao ei ratou i to ratou ariki, e to ratou ra Atua; e ka akara oki ki runga.

22 E ka akara oki ratou ki te enua nei; e i na, e tumatetenga e te poiri; e poiri patapatatue, e ka tuaruia ki roto i te poiri. 8:23 Kare oki e vaooia te poiri i te ngai i tumatetenga ana i muatangana: mei iaia oki i taakaaka i muatangana i te enua o Zebuluna, e te enua o Naphatali; koia oki, i te openga ra, kua akangateitei ïa aia i te aerenga i taatai, i tera pae Ioridana, ko Galilea i o te etene ra.