Salamo

11 TE irinaki nei au ia Iehova; eaa kotou i tuatua mai ei kiaku e, Ka rere mei te manu ki runga i to kotou ra maunga;

2 I na! kua akamingi te aronga kino i te ana, kua akonokono i ta ratou kakao ki runga i te ao, ei akainana poiri atu i tei tiratiratu te ngakau ra;

3 Me uritumuia te au tumu ra, e akapeea atu te tangata tuatua-tika?

4 Ko Iehova, tei roto i tona ra nao tapu, ko Iehova, tei te rangi tona ra terono; te akara maira tona mata, e te timata maira tona topiri-mata i te tamariki a te tangata nei.

5 Te timata mairā Iehova i te tangata tuatua-tika: kareka te tangata kino, e tei inangaro i te takinga-kino, kua riri roa tona ngakau iaia.

6 E akatopa mai aia i te mura ai, e te teio, ki runga i te aronga kino ra, e te uriia maata rikarika; ko te tuanga ïa i ta ratou kapu.

7 Te inangaro ra oki a Iehova tuatua-tika i te tuatua-tika: 8 Te akara nei tona mata i te tangata tiratiratu.