Habakuka

2 E TU au ki runga i toku are tiaki anga, e e noo marie ua ki runga i te punanga, e ka tapapa uaorai au kia kite i tana e ka tuatua mai kiaku nei, e taku e ka tuatua i taku māro anga atu.

2 E kua tuatua mairā Iehova iaku, na ko maira, Ka tata ana i te orama, e kia kitea uaia ki runga i te au papa, kia oro ua te tangata kia tatau ra.

3 No te tuatau i akonoia ra taua orama nei, ei te openga ra e tuatua mai ei e kare e pikikaa; roa oti, ka tapapa atu rai; e tae tika mai ïa, e kare e tavarevare.

4 I na, ko te nengonengo, kare e tiratiratu tona ngakau i roto iaia, ko te tangata tuatua-tika i te akarongo ra ka ora ia. 5 E koia rai oki, mei te tangata e tatipake i te wina, e parau tona, kare e mou i te ngutuare, ko te akamaata i tona anoano mei ia ade; mei te mate oki aia, e kare rava e iu, te akaputuputu ra aia i te pa enua katoa nona uaorai, e te koi aere ra te tangata katoa nona anake rai.

6 Kare ainei taua aronga katoa nei e tumu i te amu iaia, te amu aviri iaia, ka na ko ei e, Aue tona to tei akamaata i te apinga, kare i tana uaorai! mei te aa te roa? e kua akateiaa iaia uaorai ki te kai ou e manganui.

7 Kare ainei e tu vave mai te aronga e kai ou ei koe ra? kare ainei e ara mai te ka akaruketekete ia koe? e riro atura ïa koe ei nonianga na ratou.

8 No te mea e manganui te enua taau i noni ra, e riro na te toenga ravarai o te tangata nei e noni mai ia koe ra; no te toto tangata, e te rave aroa kore i te enua nei, te oire, e te aronga katoa e noo i roto ra.

9 Aue tona to tei rauka iaia te apinga kino no tona ra ngutuare, kia tuku aia i tona koanga ki te ngai teitei, ei akaora iaia uaorai i te mana o te kino ra.

10 Kua kimi koe i te akama no toou uaorai ngutuare, i te tupu ke anga atu i te au tangata e manganui, e kua ara koe i toou uaorai vaerua.

11 Te kapiki maira oki te toka i roto i te patu ra, e te āē maira te tea i roto i te au rakau ra:

12 Aue tona to tei patu i te vila i te toto ra, e tei akatinamou i te oire i te kino ra.

13 I na, kare ainei teia no ko mai ia Iehova Sabaota ra, kia riro ta te tangata nei tautā anga no te ai, e kia akaroiroi te au tangata ia ratou uaorai no te puapinga kore ra?

14 E akakiia oki te enua nei ki te kite i te kakā o Iehova, mei te moana i ki i te tai ra.

15 Aue tona to tei akainu atu i tona tangata tupu, i te riringi anga i toou riri, ma te akakona anga atu, kia kite i to ratou vai taaka ua anga.

16 Kua ki koe i te akama, kare i te kakā, ka inu katoa koe, ka akakite ei i to peritome kore anga ra; te kapu i te rima katau o Iehova e tae mai ïa kia koe, e ngaro atura to kakā i te ruaki akama ra.

17 E tapokiia oki koe i te takinga-kino ia Lebanona, mei te au puaka e mataku kia taia ra; no te toto tangata oki, e no te rave aroa kore i te enua nei, te oire, e te aronga katoa e noo ki roto ra.

18 Eaa ta te tiki kotikotiia ra puapinga, i te mea na te taunga i kotikoti ra, iaia, te tiki akatoia ra, e te apii i te pikikaa? tei irinakiia e te taunga tana uaorai angaanga, i te rapa anga i te au idolo tuatua kore ra.

19 Aue tona to tei tuatua ki te rakau, Ka ara; ki te toka tuatua kore, Ka tu; na te reira e apii! I na terao, kua vaiia ki te auro e te ario, kare takiri ra e manga aʼo o roto ra.

20 Tei roto rā Iehova i tona ra nao tapu; kia muteki to te ao katoa nei ki mua iaia.