Maseli

9 KUA akatu te pakari i tona are, kua tarai aia i nga pou nona e itu ra:

2 Kua ko aia i tana au puaka; kua irokia e ia tana wina; kua ārikiriki katoa aia i tana kaingakai.

3 Te unga nei aia i tona au tavini vaine kia kapiki ratou ki runga i te au ngai teitei o te oire.

4 Ko tei auouo ra, e ariu mai aia ki ku nei; ko tei kite kore ra, te karanga atura aia kiaia,

5 E aere mai, e kai i taku nei kai, e inu oki i te wina i irokia e au ra.

6 E akaruke i te aronga neneva, kia ora; e na te ara kite i te aere.

7 Ko tei ako atu i te akavaava ra, ka rauka iaia te akama; e ko tei akamura atu i te tangata kino ra, e titoutou tana.

8 Auraka e ako atu i te akavaavaa ra, ka ririia mai aea koe e ia: e ako ra i te tangata pakari, e ka akaperepereia mai koe e ia.

9 E apii atu i te tangata pakari, e e tupu tona pakari: e apii i te tangata tuatua-tika; e e tupa tona kite.

10 Ko te akamataanga o te pakari ra, ko te mataku ïa ia Iehova: e te kite i te au mea tapu ra, ko te kite ïa.

11 E maata rava oki oou puke rā iaku, e e kapiti katoia mai kia koe tetai aronga mataiti i te ora anga ra.

12 Kia pakari koe ra, noou uaorai toou pakari; e kia taitoito mai koe ra, ko koe uaorai te kino i te reira.

13 E tuatua maata tei te vaine neneva: e manako kore tona, e te kite kore ra.

14 Te noo ua ra aia ki te ngutupa o tona are, ki runga i te nooanga, i te au ngai teitei o te oire ra,

15 Ei kapiki atu ki te aronga e aere ua na te arataa; ko tei aere na to ratou au ara tika ra:

16 Ko tei auoou ra, e ariu mai aia ki ku nei: e te tangata kite kore ra, te karanga ra aia kiaia,

17 E mangaro to te vai keiaia ra; e te manga i kai poiriia ra, e meitaki ïa.

18 Kare aia kite e turuma mate rava tei reira; e tei raro rava tana tei ade.