Levitiku

6 KUA tuatua mairā Iehova kia Mose, na ko maira,

2 Kua rave tetai tangata i te ara, e kua ara aia ia Iehova, koia i pikikaa i tona ra tangata tupu, i te apinga i tukuia atu kiaia, e kare ra, i vaooia i tona rima, e kare ra, i te apinga aōia, e kare ra, i te takinga-kino i tona tangata tupu; 3 E te apinga ngaro i kitea e ia, e kua pikikaa oki aia i te reira, e te taputou pikikaa ua, i te au mea katoa i raveia e te tangata nei, e araia iora i te reira;

4 Kua rave i te ara, e kua araia: e akaoki aia i tana i aō ra, e tei rauka iaia i te takinga-kino ra, e te tukuia mai kiaia ei tiaki, e te apinga ngaro i kitea e ia ra,

5 E taua mea katoa tana i taputou pikikaa ua ra: e akaoki aia i taua apinga tikai ra, e kapiti atu rai aia i tetai tuanga rima, ka apai atu ei ki te tangata nana tikai taua apinga ra, i te rā e apaiaʼi te tutakingaara nana ra. 6 Ei mamoe toa kino kore, e tei tau ia koe i te meitaki, no roto i te anana, ko tana ïa tutakingaara e apai ki te taunga ra, ei tutakingaara na Iehova;

7 E na te taunga e apai i te tapokiangaara nana ki mua i te aroaro o Iehova; e ka akakoreia tana ara i te au mea katoa tana i rave, i ara ai aia ra.

8 E kua tuatua mairā Iehova kia Mose, na ko maira,

9 E karanga atu koe kia Aarona e nga tamariki nana, e na ko atu koe, Teia te ture no te atinga karakaratio: E vaoo ua te atinga karakaratio, kia ka ua ana ki rungao i te atarau e ao ua ake te po, e ka tutungiia taua ra i te atarau kia ka ki rungao.

10 E ka kakau te taunga i tona kakau orongā, e ka aao i te piripou orongā ki rungao i tona kopapa, ka rave ei i te reu no te atinga karakaratio i pou i te ai ki runga i te atarau ra, e ka tuku ei ki te pae o taua atarau ra.

11 Ei reira aia e kiriti ei i taua kakau nona ra, ka aao ei i te kakau ke, ka apai ei i taua reu ra ki te ngai viivii kore ki vao mai i te puakapa ra.

12 E tutungiia taua ai ki runga i te atarau ra, kia ka ki rungao; kare rava e tamateia: e ua te taunga e taʼu i te vaie ki rungao, i te au popongi ravarai ra, e akanoo marie ei i te atinga karakaratio ki rungao; e nana oki e taʼu i te tongaua no te au atinga au ki rungao.

13 Ka tamouia taua ai ki runga i te atarau ra kia ka ua ana; kare rava e tamateia.

14 Teia oki te ture no te atinga kai: Na te tamariki a Aarona e apai kia Iehova ra, ki mua atu i te atarau ra.

15 E rave oki aia i taua faraoa atinga kai ra, e kia ki tona rima, e tetai manga o te inu, e te tapou kakara katoa i rungao i taua atinga kai ra, ka taʼu ei ki runga i te atarau, ei manakoanga, ei mea aunga kakara na Iehova.

16 E te toenga ra, na Aarona e na tana au tamariki e kai; e kai ua ma te akaopue kore i roto i tetai ngai tapu; ei roto i te paepae o te Are uipaanga ratou kai ei.

17 Auraka kia keuia ma te akaopue; e mea orongaia e au ei tuanga na ratou i taku nei au atinga ai ra; e mea tapu roa ïa, mei te tarangaara, e mei te tutakingaara.

18 Ka kai te au tamaroa ravarai no te au tamariki a Aarona i te reira. Ei akonoanga mou te reira no te au atinga ai na Iehova, e ope ua ake to kotou na au uki: ei aronga tapu anake oki te tukia ua atu i te reira. 19 E kua tuatua mairā Iehova kia Mose, na ko maira,

20 Teia ta Aarona apainga, e ta te au tamariki nana, ta ratou e apai kia Iehova, kia tae ki te rā e akamainuiaʼi aia; okotai omera faraoa pueu ei atinga kai tamou, e tai pae i te popongi, e tai pae oki i te aiai.

21 Ei runga i te auri tunuiaʼi ma te inu; kia oti i te tunuia, ka apai ei ki roto, kia kotikotiia ra, e apaiiaʼi ei atinga kai ei mea aunga kakara na Iehova.

22 E na te tamaiti nana, na tei akamainuia ei taunga ei tupau iaia ra, e apai i te reira: e akonoanga tamou ïa na Iehova; e taʼu katoatoaia ïa.

23 Te au atinga kai katoa a te taunga ra ka taʼu takiri roaia ïa ki te ai; kare rava e keingaia.

24 Kua tuatua maira oki a Iehova kia Mose, na ko maira,

25 E karanga atu kia Aarona e tana ra au tamariki, e na ko atu. Teia te ture no te tarangaara: Ei te ngai i taiaʼi te atinga karakaratio ra, ei reira te tarangaara e taiaʼi ki mua i te aroaro o Iehova: e mea tapu roa ïa. 26 Na te taunga i apai i te tarangaara e kai; ei tetai ngai tapu ka kai ei, ei roto i te paepae o te Are uipaanga ra.

27 Ko te tukia ua atu i te kiko o te reira ra e tapu ïa; e kia topata uaia tetai kakau i to reira toto, e oreiia taua vaʼi i topataia ra i roto i tetai ngai tapu ra.

28 E te āriki karakaraea i tunuiaʼi ra, ka akangaangaaia ïa; kareka kia tunuia i te pani veo ra, e ukiia taua pani ra, e ka oreiia ki te vai. 29 Te au tane roarai no roto i te kau taunga ra, ka kai ïa ratou: e mea tapu roa te reira.

30 Te au tarangaara ravarai, tei apaiia tetai pae toto ki roto i te Are uipaanga, ei tapokiangaara, kare rava ïa e keingaia: i roto i te ngai-tapu ra, e taʼuia ïa te reira ki te ai.