2 Paraleipomeno

33 TEI te mataiti okotai ngauru ma rua i ariki ei a Manase, e rima ngauru ma rima ona mataiti i te ariki anga i Ierusalema.

2 Kua rave ra aia i te kino i mua i te aroaro o Iehova, mei te au mea viivii katoa a te pa enua ke, ta Iehova i tuaru ki mua i te tamariki a Iseraela ra.

3 Kua akatu akaou oki aia i te au ngai teitei i vavaʼiia e tona metua ra e Hezekia; e kua akatu aia i te au atarau na Baala, e kua anga oki i te au Asetoreta, e kua akamori i te nuku katoa o te rangi ra, e kua tavini atura ia ratou ra.

4 Kua akatu oki aia i te au atarau i roto i te are o Iehova, tei tuatuaia mai e Iehova ra e, Ei Ierusalema toku nei ingoa vaoo ei e tuatau ua atu.

5 Kua akatu oki aia i te au atarau no te nuku katoa o te rangi ra, i roto i nga paepae e rua i te are o Iehova.

6 Kua tuku okii aia i tana tamariki na te ai i te o o te tamaiti a Hinoma; e kua akono aia i te tumurangi, e te akarakara, e te taura vaerua kino, e te purepure, e te tauraatua, e ravenga kino maata tana i mua i te aroaro o Iehova, ei akakoko iaia kia riri mai.

7 Kua akatu akera oki aia i tetai idolo i akatikitikiia e ia uaorai ki roto i te are o te Atua, i tei tuatuaia mai e te Atua kia Davida, e ki tana tamaiti ra kia Solomona, Ei roto i teianei are, e i Ierusalema, i ikiia e au i mua i te aroaro o te au kopu katoa o Iseraela, ka vaoo ei au i toku nei ingoa e tuatau ua atu:

8 Kare oki au e apai ke akaou i te vaevae o Iseraela e kia taka ke te enua, i ikiia e au no to kotou ra au metua; kia akono maira ratou i te au tuatua ravarai i ikuikuia atu e au kia ratou ra, i te ture katoa, e te au akonoanga, e te au tuatua-tau, ia Mose ra.

9 Kua akatareva ke aturā Manase ia Iuda e to Ierusalema, kia maata to ratou kino i to te pa enua, i tairipotiia e Iehova i mua i te aroaro o te tamariki a Iseraela ra.

10 Kua tuatua mai oki a Iehova kia Manase, e te au tangata nona ra: kare akerai ratou i akarongo mai.

11 I apai mai ei a Iehova i te au rangatira o te nuku o te ariki o Asura ki runga ia ratou, ko tei opu ua ia Manase i roto i te rakau taratara, e kua tapeka iaia ki te tapeka veo, e kua apai atura iaia ki Babulonia.

12 Kia tairoia ra aia ra, kua kimi aia i tona Atua ia Iehova ra, e kua taakaaka rava iaia uaorai ki mua i te aroaro o te Atua o tona ra ai metua,

13 E kua pure oki aia iaia: e kua kiteia mai aia e ia, e kua akarongo maira aia i tana i pati, e kua akaoki mai aia iaia ki Ierusalema ki tona uaorai basileia. Kua kite pu tikai a Manase i reira e, ko Iehova te Atua.

14 E muri ake i te reira, kua patu iora aia i te patu ki vao mai i te oire o Davida, i te pae i te opunga o te rā i Gihona, i te o, e tae ua atura ki te tomoanga i te ngutupa ika ra, e akapini rava akera e tae ua atura ki Ophela, e kua akateitei ravaia ki runga kia teitei, e kua tuku akera i te aronga rangatira tamaki ra ki roto i te au oire akaketaketaia i Iuda katoa ra,

15 E kua apai ke atura aia i te au atua ke, e te idolo, i roto i te are o Iehova ra, e te au atarau katoa i akatuia e ia i te maunga o te are o Iehova, e Ierusalema katoa, e kua akaruke atura ki vao mai i te oire.

16 Kua patu akaou akera aia i te atarau a Iehova, e kua apai i te atinga au ki rungao, e te atinga akameitaki e kua akaue ia Iuda e akamori i te Atua o Iseraela ia Iehova.

17 Te apai ua ara te tangata i te atinga ki runga i te au ngai teitei, ki to ratou Atua anake ra kia Iehova.

18 E te toenga o te tuatua ia Manase, e te pure nana ki tona ra Atua, e te tuatua oki ta te au akara i tuatua mai kiaia i te ingoa o te Atua o Iseraela o Iehova, i na, kua tataia ïa i roto i te tuatua a te au ariki o Iseraela.

19 Ko tana oki pure, e te akarongo angaia; e tana katoa ra au ara, e te tatipake anga, e te au ngai i akatuiaʼi e ia te au ngateitei, e te akatu anga i te au Asetoreta e te au idolo kotikotiia ra, kare aia i taakaakaia ra: i na, kua tataia i roto i te tuatua a te au akara ra.

20 Moe iorā Manase ki o tona ra ai metua, e kua tanu ratou iaia ki roto i tona uaorai are: tupauia akera aia i te au e tana tamaiti ra e Amona.

21 Tei te mataiti tai takau ma rua o Amona i ariki ei aia, e rua oki ona mataiti i te ariki anga i Ierusalema.

22 Kua rave ra aia i te kino i mua i te aroaro o Iehova, mei ta tona metua ra mei ta Manase i rave: kua apai oki a Amona i te atinga ki te au idolo akatikitiki katoaia i angaia e tona metua e Manase, e kua tavini atura ia ratou;

23 Kare oki i taakaaka iaia uaorai i mua i te aroaro o Iehova, mei ta tona metua mei ta Manase i taakaaka iaia uaorai ra; kua rave ua aturā Amona i te ara na rungao na rungao.

24 Kua kotikoti kupenga akera tona au tavini iaia, e kua ta iaia i roto i tona uaorai are.

25 Kua ta atura ra te tangata o te enua i te aronga ravarai i kotikoti kupenga e ta i te ariki ra ia Amona; e kua rave akera te tangata rikiriki, e kua akaariki akera i tana tamaiti ia Iosia ei tupau iaia.