Salamo

101 KA imene au i te aroa e te tuatua-tau: ka imene au ia koe, e Iehova. 2 Ka akono au i te arataa apa kore; aea ra koe ka aere mai ei kiaku nei? ka aaere ua au ma te ngakau apa kore i roto i toku uaorai nei ngutuare. 3 Kare au e tuku i tetai mea kino ki mua i toku mata; e riri ïa au i te ravenga a tei tatipake ra; kare oki te reira e piri mai kiaku nei. 4 Te tangata ngakau māro ra, ka akataka keia ïa i oku nei; kare au e kite atu i te tangata kino. 5 Ka tipu keia e au tei urutoe poiri ua i tona ra tangata tupu; ko te mata akateitei e te ngakau parau, kare rava au e akakoromaki iaia. 6 Ei runga toku mata i te aronga pikikaa kore i te enua nei, kia noo ratou i oku nei: ko te tangata aerenga apa kore ra, ko toku ïa tavini. 7 Ko tei rave i te pikikaa ra, kare ïa e noo i toku nei are: ko tei tuatua i te tuatua tapikipiki, kare ïa e mou ki mua i toku mata. 8 Ka pou te aronga rave kino nei i te tipu keia e au i te au popongi katoa nei, e ope rava akera i te oire o Iehova nei te aronga i rave i te mea kino ra.