2 Korinetia

2 I MANAKO ana ra au iaku uaorai e, auraka au e aere akaou atu kia kotou ma te aue.

2 Kia akaaue atu oki au ia kotou na, naai oki e akamareka mai iaku, kia kore tei akaaueia atu e au ra?

3 No reira au i tata atu ei i te tuatua ia kotou, e kia tae atu au ra, kia kore au e aue i te aronga e tau ia ratou kia akarekareka mai iaku ra; kua kite oki au ia kotou na e, ko taku e rekareka ra, ko ta kotou katoa ïa e rekareka.

4 I tata ana oki au i te tuatua kia kotou ma te tumatetenga maata ra, e te mamae ngakau, ma te roimata maata oki; kare ra ei akaaue anga atu ia kotou, kia kite ra kotou i te maata o toku nei aroa ia kotou na.

5 E kua akatupu tetai tangata i te aue ra, kare ko au anake tana i akaaue ra, ko tetai pae katoa o kotou na; eiaa oki au e tapepe katoatoa ia kotou.

6 Kua oti ua na taua mate i tukuia atu e te tangata e manganui i taua tangata ra.

7 E teianei e akakore atu kotou i tana ara, e e akapumaana atu e tikaʼi, ko te apuku uaia aea taua tangata ra i te aue maata.

8 E teianei, teia taku tuatua kia kotou, e akakite pu tikai kotou i to kotou aroa iaia.

9 I tata atu ei oki au i te tuatua kia kotou, kia kite au i to kotou akarongo i te au tuatua katoa nei.

10 Ko ta kotou e akakore i te ara ra, e akakore katoa oki au; e i akakore ana au i te ara ra, e ko taku i akakore ra, no kotou na i akakore ei au i mua i te aroaro o te Mesia nei:

11 Ko te rauka mai aea ta Satani ngai ia tatou: kare oki tatou i te kite kore i tana au ravenga.

12 Iaku oki i aere i Teroa e apii i te evangelia o te Mesia ra, ka kiriti ei te Atua i te pa iaku ra,

13 Kare rava toku manava i papa, no te mea kare taku taeake ko Tito i kitea atu e au: poroaki iora au ia ratou, riro atura au ki Makedonia.

14 Kia akameitakiia ra te Atua, ko tei akaupokotu mai ia matou i te Mesia kare e tivata, ko tei akakite aere oki i te aunga i te kite iaia ia matou nei, e kare e ngai toe.

15 Kua riro oki matou i te Atua ei aunga kakara no te Mesia, i te aronga akaoraia e te aronga e mate:

16 I tetai pae ra, e aunga mate matou e tae ua atu ki te mate; kareka i tetai pae, e aunga ora ïa matou e tae ua atu ki te ora; e koai oki tei tau i teianei tuatua?

17 Kare oki matou mei tetai pae e iro i te tuatua a te Atua: te tuatua nei ra matou i te tuatua a te Mesia, no ko mai i te Atua ra, ma te pikikaa kore, e ki mua oki i te aroaro o te Atua.