RUNANGA PUKA I RUNGA I TE INITANETI Punanga Tiaki
Punanga Tiaki
RUNANGA PUKA I RUNGA I TE INITANETI
Reo Rarotonga
  • PIPIRIA
  • AU PUKA
  • AU UIPAANGA
  • 1 Ioane 4
  • Te Bibilia Tapu Ra

Kare e vitio.

Akakoromaki mai kare te vitio e angaanga.

  • Te Bibilia Tapu Ra
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
Te Bibilia Tapu Ra
1 Ioane 4:1-21

1 Ioane

4 E AKU au akaperepere e, auraka e akarongo atu i te au vaerua ravarai, e timata ra i taua au vaerua ra, kia kitea e, no ko mai aina i te Atua ra: no te mea e manganui te peroveta pikikaa i aere atu na na te ao nei.

2 Teia te mea e kite ei tatou i te Vaerua o te Atua ra; Ko te au vaerua e aaki e, kua aere a tangata mai nei a Iesu Mesia, no ko mai ïa i te Atua ra:

3 E te au vaerua kare e aaki e, kua aere a tangata mai a Iesu Mesia i te ao nei, kare ïa i to ko mai i te Atua ra: ko taua vaerua Akakakore Mesia ra te reira, ta kotou i akarongo ra e, te aere maira; tei te ao mai nei oki aia i teianei rai.

4 No te Atua kotou, e aku au tamariki ra, e kua vi ratou ia kotou: no te mea e maata aia ko tei roto ia kotou, i tei roto i to te ao nei.

5 No teianei ao ratou; i tuatuaʼi ratou i te tuatua o teianei ao, e e akarongo to teianei ao ia ratou.

6 No te Atua tatou: ko tei kite i te Atua ra, e akarongo mai ïa ia tatou nei; e kare aia i to te Atua ra, kare ïa e akarongo mai ia tatou. Ko te mea teia e kite ei tatou i te vaerua tuatua-mou, e te vaerua tuatua apa.

7 E aku au akaperepere e, e aroa tatou ia tatou uaorai, no ko mai oki te aroa i te Atua ra; e ko tei aroa ra, kua akaanau anakeia ïa e te Atua, e kua kite oki aia i te Atua.

8 Ko tei kore e aroa ra, kare ïa i kite i te Atua; ko te Atua oki te aroa.

9 Kua kitea to te Atua aroa ia tatou nei, koia i tono mai i tana Tamaiti anau tai ki te ao nei, kia ora tatou iaia.

10 Ko te aroa mou teia, kare ïa na tatou i aroa atu i te Atua, koia ra tei aroa mai ia tatou nei, e kua tono mai i tana Tamaiti ei tarangaara i ta tatou nei ara.

11 E aku au akaperepere e, i pera te Atua i te aroa anga mai ia tatou nei, kia aroa katoa tatou ia tatou uaorai e tikaʼi.

12 Kare akerai e tangata i akara i te Atua e teia noaʼi oki. Te aroa nei tatou ia tatou uaorai, te noo nei te Atua i roto ia tatou nei, e kua meitaki rava tona aroa ia tatou nei.

13 Ko te mea teia i kite ei tatou e, te noo nei tatou i roto iaia, e te noo nei aia i roto ia tatou nei, no te mea kua oronga mai aia i ta tona Vaerua ia tatou nei.

14 Kua akara akenei matou, e te akakite ua nei matou e, kua unga mai te Metua i te Tamaiti ei Ora no to te ao.

15 Ko te aaki ua e ko Iesu te Tamaiti a te Atua, te noo ra te Atua i roto iaia, e te noo ra aia i roto i te Atua.

16 Kua kite oki tatou e, kua akarongo tatou i to te Atua aroa ia tatou nei. Ko te Atua te aroa; e ko te noo i roto i te aroa ra, te noo ra ïa i roto i te Atua, e te noo ra Auta i roto iaia ra.

17 Ko te mea teia e meitaki ravaʼi to tatou aroa, kia rauka oki ia tatou te mataku kore kia tae ki te rā akava anga ra; no te mea mei tona katoa to tatou tu i teianei ao.

18 Kare o te aroa ra e mataku; e peke te mataku i te aroa meitaki rava: e mamae oki tei te mataku. Ko tei mataku ra, kare ïa i meitaki rava i te aroa.

19 Te anoano nei tatou iaia, no te mea koia ana tei anoano mai ia tatou nei.

20 Kia karanga tetai tangata e, Te anoano nei au i te Atua, e kare i aroa i tona taeake, e pikikaa aia; ko tei kore e aroa i tona taeake tei akaraia e ia ra, eaa e tikaʼi iaia kia anoano i te Atua tei kore i akaraia e ia ra?

21 Teia oki ta tatou akauenga i rauka mai iaia ra e, Ko tei anoano i te Atua ra, kia aroa aia i tona taeake.

Au Puka Reo Rarotonga (1983-2025)
Akaruke
Aere ki Roto
  • Reo Rarotonga
  • Akaari ki Etai Ke
  • Taau e Inangaro
  • Copyright © 2025 Watch Tower Bible and Tract Society of Pennsylvania
  • Ture no te Taangaanga Anga i te Web Site
  • Ture Akamanaia
  • Privacy Settings
  • JW.ORG
  • Aere ki Roto
Akaari ki Etai Ke