1 Tesalonia

4 TE tuatua meitaki atu nei rai matou kia kotou, e te au taeake, e te ako atu nei ia kotou i te Atu ra ia Iesu e, mei ta kotou i kite akenei ia matou i te tu o to kotou aerenga e tau ei i te Atua, kia maata atu rai to kotou akapera anga.

2 Kua kite oki kotou i te au akauenga ta matou i tuku atu ia kotou na te Atu ra na Iesu.

3 Teia oki to te Atua inangaro, kia akatapuia kotou, e kia kore kotou e akaturi:

4 Kia kite kotou ravarai e pini ua ake i te vaio i tona uaorai āriki ma te tapu e te ngateitei;

5 Auraka i te inangaro tika kore, mei te etene tei kore i kite i te Atua ra:

6 Kia kore rava tetai e rave i te ara, e te mea tika kore i tona taeake i taua mea nei; no te mea na te Atu e tutaki mai i te reira, ko ta matou ïa i karanga atu, e kua akakite ua atu ia kotou i muatangana.

7 Kare oki te Atua i kapiki ia tatou no te tuatua viivii, kia tapu ra.

8 E teianei ko tei patoi mai, kare ïa i te tangata tana i patoi maira, ko te Atua ra, ko tei oronga mai i tona Vaerua Tapu ia matou nei.

9 I te tuatua i te aroa taeake nei, auraka ua rai au e tata atu i te tuatua ia kotou: kua apiiia kotou uaorai e te Atua i te aroa ia kotou uaorai.

10 E te pera tika nei oki kotou ki te au taeake ravarai i Makedonia katoa ra: te ako atu nei ra matou kia kotou, e te au taeake, kia maata ua atu rai;

11 E kia kimi marie oki kotou i te au, kia akono i ta kotou uaorai au taoonga, kia rave oki to kotou rima i te angaanga, mei ta matou rai oki i akaue atu kia kotou na;

12 Kia manea to kotou aerenga i te aronga i vao akera, kia kore tetai mea e toe ia kotou.

13 E teianei, e te au taeake, kare au i inangaro e kia kore kotou e kite i te tuatua i te aronga i topa i te moe nei, kia kore oki kotou kia taitaia, mei tetai papaki kare o ratou tiakianga ra.

14 Kua akarongo oki tatou e i mate a Iesu e i tu akaou akera ki runga, koia katoa te aronga e moe ki roto ia Iesu nei, na te Atua ïa e akaoki mai ma ia katoa.

15 Teia ta matou e karanga atu kia kotou, i ta te Atu ra tuatua, ko tatou ko te aronga e ora ko te toe i te ao, ka rokoia mai ei e te Atu, kare e na mua i te aronga e moe nei.

16 Ko te Atu uaorai oki te ka eke mai mei te rangi mai ma te maeva, ma te reo o te angela maata, e ma te pu a te Atua, e te aronga i mate i roto i te Mesia ra, te ka tu mai ana ïa ki runga:

17 E muri ake, ko tatou ko te aronga ora e toe ra, e rave katoaia mai e ratou katoa i reira, ka apaiiaʼi ki runga ki roto i te tiao, kia aravei atu i te Atu ki roto i te reva nei, ka noo mou atu ei tatou i vaitata uao i te Atu e tuatau ua atu.

18 E tenana, e akapumaana kotou tetai ki tetai i teianei au tuatua.