Deuteronomi

10 I REIRA ta Iehova tuatua anga mai kiaku e, Ka tarai ana koe i e rua papa toka mei tei muatangana ra, ka aere mai ei ki runga i te maunga kiaku nei, e anga rai koe i tetai aruna rakau.

2 E naku e tata i te tuatua ki rungao i aua nga papa ra, i tei tataia ki rungao i nga papa i muatangana taau i vavaʼi ra; e naau e tuku i te reira ra ki roto i te aruna.

3 Anga iora au i tetai aruna sitima, e kua tarai iora au i e rua papa toka nei tei muatangana ra, aere atura au ki runga i te maunga, e nga papa katoa i toku rima.

4 Kua tata iora aia i te tuatua ki rungao i aua nga papa ra, mei tana katoa i tata ki runga i nga toka i muatangana ra; i nga tuatua okotai ngauru ra, i ta Iehova i tuatua mai kia kotou i runga i te maunga ra, i rotopu i te ai ra, i te rā uruoaanga ra; e kua tuku mairā Iehova i te reira ra kiaku.

5 Kua anga maira au, eke maira au ki raro mei runga mai i taua maunga ra, kua tuku iora au i nga papa ki roto i taua aruna i angaia e au ra; kia vai ua ana i reira i ta Iehova i akaue mai kiaku ra.

6 Kua aere maira te tamariki a Iseraela mei nga ruavai mai a te au tamariki a Iaakana ra ki Mosera: mate iorā Aarona i reira, e i reira tona tanu mangaia; e ko tana tamaiti ra ko Eleazara tei rave i te taoonga taunga ei tupau iaia ra.

7 Mei reira oki i aere atura ratou ki Gudagoda; e mei Gudagoda oki tae atura ki Iotabata ra, e enua kauvai ra.

8 Kua akataka iorā Iehova i reira i te kopu o Levi ra, kia apai ua ratou i te aruna koreromotu a Iehova ra, kia tu oki ki mua ia Iehova e rave i te taoonga nana, e kia akameitaki mai i tona ingoa, e tae rava akenei ki teianei rā.

9 Kare rave oki o te ngati Levi e tuanga e te kelero i roto i tona ra ai taeake: ko Iehova tana tuanga, mei ta to Atua ra ta Iehova i tuatua mai kiaia ra.

10 I noo ana au ki runga i te maunga mei tei muatangana ra, ka a akera ngauru anga o te ao, ka a oki ngauru o te po; e kua akarongo katoa mairai a Iehova iaku i reira, kare akerai a Iehova i akapou rava ia koe.

11 Kua tuatua mairā Iehova kiaku, Ka tu, ka arataki i taua aronga tangata nei, kia tae ratou kia rauka ia ratou te enua, taku i taputou atu ki to ratou ra ai metua e, e oronga au no ratou.

12 E teianei, e Iseraela, eaa ta te Atua oou na ta Iehova i umuumu mai ia koe, mari ra e, kia mataku koe i to Atua ia Iehova, e kia aere koe na tona ra au arataa katoa, e kia inangaro koe iaia, e kia akamori koe i to Atua ra ia Iehova ma to ngakau katoa, e ma to vaerua katoa;

13 Kia akono tikai koe i te au akauenga a Iehova, e tana au akonoanga, i taku e akaue atu kia koe i teianei rā, kia meitaki koe ra?

14 I na oki te rangi, e te rangi o te au rangi ra, no to Atua ïa no Iehova, te enua nei oki e te au mea katoa i roto ra.

15 I mareka mairai a Iehova i to ai metua ra, i te aroa anga mai ia ratou, e kua tae rava ki te iki i to ratou uanga i muri ake i ratou ra, no roto i te tangata katoa ra, koia oki kotou na, mei tei teianei rā.

16 E tenana, ka peritome ana i te kiri i mua i to kotou ngakau ra, oti ra ua i te kaki ketaketa.

17 Ko te Atua ra ko Iehova, e te Atu oki o te au atu; e Atua maata, e te mana, e te mataku, ko tei kore e akono i te tu o te tangata, e te kore e rave i te tutaki:

18 Ko tei akatika i ta te matiroeroe, e ta te vaine takaua; e te aroa oki i te tangata ke, i te oronga anga i te kai e te kakau nona.

19 E tenana, e aroa katoa kotou i te tangata ke; e tangata ke katoa oki kotou i te enua ra i Aiphiti.

20 Ko to Atua ra ko Iehova taau e mataku, e koia taau e akamori, e koia taau e topiri atu, e ka taputou koe i tona ingoa.

21 Koia taau paapaaanga, e koia toou Atua, ko tei rave oki i taua au angaanga maata mataku ra noou i ta to mata oki i kite ra.

22 Toou ai metua i aere ki raro ki Aiphiti ra, e itu ua nei ngauru anga ratou i reira: e tenana, kua akariroia koe e to Atua e Iehova, mei te etu o te rangi ra te tu i te maata.