Salamo

111 ALELU Ia. Ka akameitaki au ia Iehova ma te ngakau katoa, i roto i te kapitianga o te aronga tiratiratu, e te uipa anga ra. 2 E angaanga maata ta Iehova; e mea kimiia e te aronga e mataora i te reira ra. 3 E angaanga meitaki tana e te kakā, ka tu oki tana tuatua-tika e rimua. 4 Kua akariro oki aia i tana au angaanga taka ke ei manako anga; e takinga-meitaki maata e te aroa to Iehova. 5 Kua oronga mai aia i te kai ki te aronga i mataku iaia ra; ka manako tamou rai aia i tana ra koreromotu. 6 Kua akakite mai aia ki tona ra au tangata i tana ra ravenga mana, i te oronga anga mai i te tuanga a te au etene na ratou. 7 Ko te tuatua-mou e te tuatua-tau, ko te au angaanga ïa a tona rima; e ko tana au ikuiku anga, e mea mou anake ïa: 8 Ka mou rai te reira e tuatau ua atu; No te mea i raveia ma te tuatua-mou e te tiratiratu. 9 Kua akau mai aia i te ora no tona ra au tangata; kua akaue aia i tana ra koreromotu kia mou e tuatau ua atu: e ingoa tapu oki e te matakuia tona. 10 Ko te akamataanga o te pakari ra, koia te mataku ia Iehova ra: e kite maata to te aronga ravarai i akono i te reira; e tika te akapaapaa iaia i te vai marie anga.