Salamo

28 TE kapiki atu nei au kia koe, e toku mato, e Iehova e; auraka koe e taringa turi mai kiaku; ko te muteki ua aea koe kiaku ra, ko te riro aea au mei te aronga i riro ki raro i te vaarua ra.

2 E akarongo mai koe i te reo o taku patianga, kia pure atu au ia koe, kia apai au i toku rima ki runga i to ngai-tuatua tapu ra.

3 Auraka au kia totō uaia ma te aronga kino katoa ra, e i te aronga i rave i te ara ra, ko tei tuatua i te tuatua au ki to ratou tangata tupu, e te vai ra te kino i roto i to ratou ngakau.

4 E tutaki mai koe ia ratou kia tau i ta ratou angaanga, e kia tau i te kino ta ratou i rave ra: e tutaki mai ia ratou kia tau i te angaanga a to ratou rima; e akautunga marie atu koe ia ratou.

5 No te mea kare ratou i akono i te angaanga a Iehova, e tei raveia e tona rima, ka tairipoti rava aia ia ratou, e kare e patu akaouia.

6 Kia akameitakiiā Iehova, kua akarongo mai oki aia i taku i pati ra.

7 Ko Iehova toku maroiroi e toku paruru; te irinaki nei toku ngakau iaia, e kua turuia mai au: i maataʼi te rekareka o toku nei ngakau; e akameitaki oki au iaia i taku imene.

8 Ko Iehova to ratou maroiroi, e e maroiroi akaora tona i tei akamainuia e ia ra.

9 Kia ora toou ra au tangata, e kia meitaki taau ra tuanga: e akaangai oki ia ratou, e kia teitei ua atu ratou e tuatau ua atu.