2 Samuela

17 KUA tuatua mairā Ahitophela kia Abasaloma, E tuku mai koe kia iki au i te au tangata okotai ngauru i te tausani e rua ara, e ka tu au e aruaru ia Davida i teianei po:

2 Rokoia atu e au aia ra, kua roiroi ra, e kua parukaua tona rima, e naku e akamataku atu: e ka oro te au tangata ravarai ki ona ra; ka ta au i te ariki anake ra:

3 E ka akaoki mai au i te au tangata katoa kia koe ra: okotai roa oki aau tangata e kimi, e ope roaʼi te au tangata i te oki mai: au iora to te au tangata ravarai.

4 E mea meitaki taua tuatua ra ia Abasaloma, e i te aronga pakari katoa o Iseraela ra.

5 Kua tuatua mairā Abasaloma, Ka tiki ana ia Husai i Araki katoa ra, e akarongo katoa tatou i te tu o tana tuatua.

6 Kua aere mairā Husai kia Abasaloma ra, kua karanga aturā Abasaloma kiaia, na ko atura, Kua akapera maira ta Ahitophela tuatua; ka akarongo atu ainei tatou i tana? e kare ra, e akakite maira koe i taau.

7 Kua tuatua mairā Husai kia Abasaloma, Ko te tuatua ta Ahitophela i tuku maira, kare ïa te meitaki i teianei.

8 Kua tuatua maira oki a Husai, Kua kite oki koe e tangata toa to metua, e tona katoa au tangata, e kua mamae to ratou ngakau, mei te daba o te medebara i riro te anaunga ra: e tangata tamaki oki to metua ra, e kare aia e moe kapiti ua ki roto i te au tangata ra.

9 I na, kua pipini aia i teianei ki roto i tetai vaarua, e ki roto i tetai ngai ke atu, e kia rokoia uaia mai tetai pae o kotou i te inga i tei muatangana ra, ei reira te tangata ravarai e akarongo ra e karanga atu e, Kua taia te au tangata i aru ia Abasaloma nei.

10 E te tangata toa, i tau tona ngakau ki te ngakau o te liona ra, ka taitaia ïa: kua kite oki to Iseraela ravarai e e tangata toa uritumu toou metua, e toa maata anake te aronga i aru katoa iaia ra.

11 E teianei, teia taku tuatua, e akaputuputu mai ia Iseraela ravarai kia koe ra, mei Dana e tae ua atu ki Bereseba, e mei te one taatai ra kia tatau; e naau uaorai e aere ki taua tamaki ra.

12 Rokoia atu aia e tatou i te ngai e kitea atu ei aia ra, topaia iora aia e tatou mei te au e topa ki runga i te one: e kare rava aia e te au tangata katoa e kapiti kiaia ra e toe e okotai iti ake.

13 E kia tomo aia ki roto i te oire, e rave mai to Iseraela katoa i te taura i taua oire ra, ka kikaʼi ki raro i te kauvai, e kia kore rava atura tetai toka mea ngiti e kitea i reira.

14 Kua tuatua akerā Abasaloma e to Iseraela katoa ra, E ngari ake te tuatua a Husai i Araki i ta Ahitophela ra. Kua akakoroia e Iehova e akakore i te tuatua meitaki a Ahitophela, kia apai mai a Iehova i te kino ki runga ia Abasaloma ra.

15 Kua karanga aturā Husai ki nga taunga ra, kia Zadoka raua ko Abiatara, I ako ta Ahitophela ako anga ia Abasaloma e te aronga pakari i Iseraela nei; e kua pera oki taku ra ako anga.

16 E tenana, e tono viviki i te karere, e akakite kia Davida, e karanga atu e, Auraka koe e noo i te ngai mataataa i te medebara nei i teianei po, e aere viviki ra ki tetai pae vai; ko te apukuia aea te ariki e te au tangata katoa ki ona ra.

17 Te tatari mairā Ionatana raua ko Ahimaaza i Eni-rogela; kare rai oki e tika kia kitea raua i te tomo ua anga ki roto i te oire: kua aere iora tetai vaine, e kua akakite ia raua; kua aere iora oki raua kua akakite ki te ariki ra kia Davida.

18 Kitea iora raua e tetai tamaiti, e kua akakite kia Abasaloma: aere viviki atura raua e tae atura ki te are o tetai tangata i Bahurima, e ruavai tei roto i te paepae nona ra, kua tomo iora raua ki roto i taua ruavai ra.

19 Kua rave iora te vaine ra i te tapoki, kua tapoki iora i te nia o taua ruavai ra, e kua totoa iora i te sitona i reruia ra ki runga; e kare rava ïa mea i kitea.

20 E tae maira nga tavini o Abasaloma ki te are o taua vaine ra, kua karanga atura, Teieā Ahimaaza raua ko Ionotana? Kua tuatua maira taua vaine ra, Tera tei tera pae vai. E kimiia atura raua, e kare akera i kitea, kua oki maira ki Ierusalema.

21 E riro maira ratou, ku aere maira raua ki vao i taua ruavai ra, e kua aere, kua akakite ki te ariki ra kia Davida, e kua karanga atura kia Davida, Ka tu, ka aere viviki ki tetai pae vai: kua pera oki ta Ahitophela tuatua ia kotou.

22 Kua tu akerā Davida, e te au tangata katoa ki ona ra, kua aere atura ki tetai pae i Ioridana. E ao akera kare rava tetai i toe i te tae ki tetai pae o Ioridana ra.

23 E kia akarā Ahitophela e, kare akera tana ako i akonoia, kua tuku iora te nooanga ki rungao i te asini ra, kua tu iora, aere atura ki tona are, ki tona uaorai oire; kua akonokono atura i tona ngutuare, kua akanonoa iora iaia uaorai, e mate atura, e tanumia iora ki roto i te tanumanga o tona metua ra.

24 Kua taeaturā Davida ki Mahanaima. E kua tae mai oki a Abasaloma ki tetai pae i Ioridana, koia e to Iseraela katoa.

25 Kua akariro aturā Abasaloma ia Amasa ei rangatira no te nuku ei tupau ia Ioaba: e tamaiti ïa taua Amasa ra na tetai tangata ko Ietera te ingoa, e ngati Isemaela, ko tei aere tika kia Abigaila ki te tamaine a Nahasa, e tuakana no Zeruia, i te metua vaine o Ioaba ra.

26 Kua patia iora Iseraela e ko Abasaloma katoa i te puakapa i te enua ra i Gileada.

27 E tae aturā Davida ki Mahanaima, kua apai mairā Sobi te tamaiti a Nahasa, no Raba no te tamariki a Amona, e ko Makira te tamaiti a Amiela i Lo-debara, e ko Barazilai i Gileada i Rogelima ra,

28 I te au roi, e te kapu, e te āriki karakaraea, e te sitona, e te kerite, e te faraoa, e te sitona tunu paka, e te pipi, e te phuli, e te kuli ra,

29 E te meli, e te bata, e te mamoe, e te utoka puakatoro, na Davida, e na te au tangata e aere katoa iaia ra, e kai: kua tuatua oki ratou, E mate to teianei au tangata i te aere anga mai na te medebara i te pongi, e te roiroi, e te kaki vai.