1 Paraleipomeno
27 KO TE tamariki a Iseraela i tatauia ra, te aronga mataiapo tutara e te au rangatira o te au tausani, e no te au anere, e to ratou aronga rangatira tei rave i te angaanga a te ariki ra i te au pupu; ko tei aere mai ma te akono i te marama, e kua aere ki vao ma te akono i te marama e ope rava akera te au marama katoa o te mataiti nei, okotai pupu ra, okotai takau ïa ma a i te tausani.
2 To runga i te pupu mua ra, e te marama mua, ko Iasobeama ïa te tamaiti na Zabadiela: e tei tona ra pupu okotai ïa takau ma a i te tausani.
3 No te au tamariki a Pereza, ko te tangata maata ïa i te au rangatira o te nuku katoatoa ra no te marama mua ra.
4 To runga i te pupu i te rua o te marama ra, ko Dodai ïa, e ngati Ahohi; e te tutara i tona pupu ra ko Mikilota ïa; e tei tona ra pupu okotai ïa takau ma a i te tausani.
5 Te toru o te rangatira o te nuku no te toru o te marama, ko Benaia ïa te tamaiti a Iehoiada, e taunga maata: e tei tona ra pupu okotai ïa takau ma a i te tausani.
6 Ko taua Benaia nei te i maata i te au tangata e toru ngauru, e tei runga rai aia i taua toru ngauru ra: tei tona ra oki pupu te tamaiti nana ko Amizabada.
7 Te a o te rangatira no te a oki o te marama, ko Asahela ïa, e taeake no Ioaba; e muri ake iaia ko tana tamaiti ra ko Zebadia: e tei tona ra pupu okotai ïa takau ma a i te tausani.
8 Te rima o te rangatira no te marama e rima ra, ko Samuta ïa ngati Izarahi: e tei tona ra pupu okotai ïa takau ma a i te tausani.
9 Te ono o te rangatira no te marama e ono ra, ko Ira ïa te tamaiti a Ikesa i Tekoa ra: e tei tona ra pupu okotai ïa takau ma a i te tausani.
10 Te itu o te rangatira no te marama e itu ra, ko Heleza ïa i Peloni, no te au tamariki a Epheraima: e tei tona ra pupu okotai ïa takau ma a i te tausani.
11 Te varu o te rangatira no te marama varu ra, ko Sibekai ïa i Husa no te ngati Zara: e tei tona ra pupu okotai ïa takau ma a i te tausani.
12 Te iva o te rangatira no te marama iva ra, ko Abiezera ïa, i Anatota, no te ngati Beniamina: e tei tona ra pupu okotai ïa takau ma a i te tausani.
13 Te raungauru o te rangatira no te marama ngauru ra, ko Maharai ïa i Netopha, no te ngati Zara: e tei tona ra pupu okotai ïa takau ma a i te tausani.
14 Te ngauru ma tai o te rangatira no te marama okotai ngauru ma tai ra, ko Benaia ïa i Piratoni, no te au tamariki a Epharaima: e tei tona ra pupu okotai ïa takau ma a i te tausani.
15 Te ngauru ma rua o te rangatira no te marama okotai ngauru ma rua ra, ko Heladai ïa i Netopha, no Oteniela: e tei tona ra pupu okotai ïa takau ma a i te tausani.
16 Teia oki to runga i te au kopu o Iseraela: te tutara o te ngati Reubena ra, ko Eliezera ïa te tamaiti a Zikeri: to te ngati Simeona ra, ko Sephatia ïa te tamaiti a Maaka ra:
17 To te ngati Levi ra, ko Hasabia ïa te tamaiti a Kemuela: to Aarona ra, ko Zakoka ïa:
18 To Iuda ra, ko Eliu ïa, tetai taeake o Davida: to Isakara ra, ko Omeri ïa te tamaiti a Mikaela:
19 To Zebuluna ra, ko Isamaia ïa te tamaiti a Obadia: to Naphatali ra, ko Ierimota ïa te tamaiti a Azeriela:
20 To te au tamariki a Epheraima ra, ko Hosea ïa te tamaiti a Azazia: to te kopu veenga o Manase ra, ko Ioela ïa te tamaiti a Pedaia:
21 To te kopu veenga o Manase i Gileada ra, ko Ido ïa te tamaiti a Zekaria: to Beniamina ra, ko Iaasiela ïa te tamaiti a Abenera:
22 To Dana ra, ko Azareela ïa te tamaiti a Ierohama. Ko nga tutara ïa o te au kopu o Iseraela.
23 Kare rā Davida i tatau ia ratou i tei kore i tae ki te takau okotai o tona mataiti: no te mea kua tuatua mai a Iehova e, e akamaata mai aia ia Iseraela mei te au etu o te rangi ra.
24 Akamata iorā Ioaba te tamaiti a Zeruai i te tatau, kare ra i akaoti, no te mea kua rokoia iora Iseraela e te riri i te reira; kare taua tataunga i tataia ki roto i te tuatua no te au rā a te ariki ra a Davida.
25 E tei runga i te apinga a te ariki ra, ko Azamaveta ïa te tamaiti a Adiela: e tei runga i te au are vairanga apinga i roto i te kainga ra, i roto i te au oire, e te au vila, e i roto i te au punanga ra, ko Ionatana ïa te tamaiti a Uzia:
26 E to runga i te angaanga i te kainga ko tei kenu i te one ra, ko Ezeri ïa te tamaiti a Keluba:
27 To runga i te au kainga vine ra, ko Simei ïa i Rama: kareka to runga i tei roto i te au kainga vine ra, i roto i te vairanga wina ra, ko Zabadi ïa i Siphimi.
28 E to runga i te au rakau olive e te au sukamino i te ngai mataataa ra, ko Baalahanana ïa i Gedera: e to runga i te au vairanga inu ra, ko Ioasa ïa.
29 E to runga i te au puakatoro i angaiia i Sarona, ko Sitaria ïa i Sarona: e to runga i te au puakatoro i te au o, ko Saphata ïa te tamaiti a Adelai:
30 To runga i te au kamela ra, ko Obili ïa e ngati Isemaela: e to runga i te au asini ra, ko Iehedeia ïa i Meronota:
31 E to runga i te au mamoe ra, ko Iaziza ïa i Hagari ra. E aronga rangatira anake taua aronga nei no te apinga a te ariki ra a Davida.
32 E tetai metua o Davida ra ko Ionatana, e tumu korero pakari ïa, e tata tuatua oki: e ko Iehiela te tamaiti a Hakemoni, tei iaia nga tamariki a te ariki ra.
33 E ko Ahitophela ko te tumu korero ïa i te ariki: e ko Husai i Araki, e oa ïa no te ariki:
34 E muri akera ia Ahitophela, ko Iehoiada ïa te tamaiti a Benaia, e ko Abiatara: e te rangatira o te nuku o te ariki ra, ko Ioaba ïa.