Salamo

12 KIA ora, e Iehova e; kua kore akenei oki te tangata akono i te Atua; e te aronga tuatua-mou ra, kua kore akenei i o te tamariki a te tangata nei.

2 E tuatua puapinga kore ta ratou e tuatua nei, ki tetai ki tetai: ma te vaa koperepere ua, e te ngakau rua ta ratou e tuatua nei.

3 E akakore anake a Iehova i te au vaa koperepere ua; te arero e tuatua i te tuatua nengonengo ra:

4 To te aronga e tuatua ra e, Ka tupu ta to tatou arero e tuatua nei; no tatou uaorai to tatou vaa; koai tei maata i runga ia tatou nei?

5 No te takinga-kino i te aronga ao ra, no te kaku anga o te aronga akaaka, e tu ei au nei, te tuatua mairā Iehova; ka tuku au ia ratou ki te ngai e ora, i te aronga e akaviivii mai ia ratou.

6 E tuatua iro koreia te tuatua a Iehova; mei te ario i tamāia i roto i te āriki one ra, i tataki ituia te tamā anga.

7 Naau, e Iehova, e tapapa ia ratou, e tiaki ia ratou i taua uki nei e tuatau ua atu.

8 Kia akateiteiia te tangata viivii ra, te ori aere ua ra te aronga kino e pini ua ake i reira.