Maseli

20 E AKAVAAVAA tei te wina, e kanga maata tei te kava kona: kare i te tangata pakari tei vare i te reira.

2 Te mataku i te ariki ra, mei te ngunguru ïa o te liona: ko tei akakoko atu iaia kia riri ra, kua ara aia i tona uaorai vaerua.

3 E paapaa te tangata me akaruke i te taumāro: kareka te aronga neneva katoa ra, ka karo rai ratou.

4 Kare te moe ua e arote i te tuatau anu; e ori ra aia i te tuatau mou ra, e kare tana e rauka.

5 Te manako i roto i te ngakau tangata, mei te moana ïa; e rauka maira taua manako ra i te tangata kite.

6 E manganui te tangata i akakite aere i to ratou uaorai takinga-meitaki: te tangata tuatua-mou ra, kitea iaai?

7 E aere rai te tangata tuatua-tika ma te pikikaa kore: e meitaki tana au tamariki i muri ake.

8 Kia noo te ariki ki runga i te terono akavaanga ra, ka pueurikiriki te au kino katoa i tona mata.

9 Koai te tika kia karanga e, Kua mā toku ngakau iaku, kua tamā au iaku uaorai i taku nei ara?

10 Te au toka e manganui te tu, e te au aite e manganui te tu, e mea rikarika katoa ïa na Iehova.

11 E kitea te tu o te tamaiti i tana au ravenga; i te meitaki anga e te tiratiratu.

12 Te taringa e akarongo ra, e te mata e akara ra, na Iehova raua katoa ïa i anga.

13 Auraka e inangaro ki te moe, ka rokoia aea koe e te putaua; e akapuera ana i to mata, e maata ïa taau kai.

14 Te tuatua maira tei aere mai e oko ra, E mea kino, e mea kino; kia riro ke ra aia ra, ei reira e akatietie ei.

15 Te vai ra te auro, e te au poe e manganui; ko te vaa kite ra, ko te poe meitaki roa ïa.

16 Ka rave i te kakau o tei riro ei tutaki i tetai, e tana ra apinga no te kai ou tangata ke ke ra.

17 E mea meitaki na te tangata te kai pikikaa; ko muri akera, e ki tona vaa i te one.

18 Kia rai te ui e takaʼi tei manakoia ra; e kia akakite meitakiia mai ka rave ei i te tamaki.

19 Ko te taoi tuatua ra, kua akakite aere i te tuatua ngaro: e teianei, auraka e ki atu i tei taparu mai i tona vaa.

20 Ko tei tao i tona metua tane e tona metua vaine, ka tamateia tona lamepa ki roto i te poiri pangopango ra.

21 E rauka viviki ua mai ta etai tuanga i te muatangana ra; kare ra te openga e akametakiia.

22 Auraka e karanga e, E tutaki atu au i taua kino nei; e tapapa marie ra ia Iehova, e nana koe e akaora.

23 E mea rikarika na Iehova te au toka tu ke ke; e te aite pikikaa ra, kare ïa i te mea meitaki.

24 Na Iehova oki to te tangata nei aerenga; koai oki te tangata i kite i tona uaorai arataa?

25 E ara te tangata kia rapurapu tona vaa i te mea tapu ra; e kia oti te tia ka ui ei.

26 E pueurikiriki ke te aronga kino i te ariki pakari, e kua apai i te porotata na runga ia ratou.

27 Te vaerua o te tangata nei, ko te lamepa ïa na Iehova, ei makitoro marie i te au mea katoa i roto i te ngakau ra.

28 Te aroa e te tuatua-mou i oraʼi te ariki; i mou ei oki tona terono i te aroa.

29 Ko te ririnui te inuinu o te tangata ou ra; ko te inaina o te upoko ra, ko te akamanea ïa o te aronga pakari.

30 Tei te ngaa o te maki ra e peke ei te kino, koia katoa te pāpā i te au ngai katoa i roto i te ngakau ra.