Genese

49 KUA tiki aturā Iakoba i te au tamariki tamaroa nana ra, e karanga atura, Ka akaputuputu mai, kia akakite atu au kia kotou i te au mea e rokoia mai ei kotou, kia tae ki te au rā a muri atu.

2 Ka akaputuputu mai, e te au tamariki a Iakoba, ka akarongo mai; e e akarongo mai ki to kotou metua kia Iseraela nei.

3 E Reubena e, ko taku tama mua oki koe na, toku nei ririnui, e te muatangana o toku nei maroiroi; kua maata koe i te meitaki, kua maata i te mana:

4 Mei te vai ra koe i te mou kore, kare rai koe e teitei rava atu; no te mea, kua tae koe ki runga i te roi o to metua tane; kua viivii toku roi ia koe; kua taea te reira e ia.

5 Ko Simeona, e ko Levi, e taeake ïa raua; e taoonga takinga-kino ta raua puke koke.

6 Auraka koe, e toku vaerua, e akao katoa atu i ta raua muna; auraka koe, e toku kakā, e topiri ua atu ki to raua kapiti anga: kua tamate takiri oki raua i te tangata i to raua riri anga, e kua nanave raua i te kokoti anga i te uaua vaevae puakatoro ra.

7 Kia taumaaia to raua makitakita, e mea viviki ïa; e to raua riri, e mea taae ïa: e mavete raua iaku ia Iakoba nei, e akapueurikiriki ke au ia raua i Iseraela nei.

8 E Iuda e, ko koe rai, e akameitaki toou ai taeake ia koe: ka tukuia to rima ki runga i te kaki o toou au enemi; e tupou te tamariki a to metua tane ki raro i mua ia koe.

9 E punua lionā Iuda: mei te āru mai koe, e taku tamaiti, kua riro atura koe ki runga: kia piko aia ki raro mei te liona ra, kia moetapapa aia mei te liona tinana ra, naai aia e akatu ki runga?

10 Kare te sepeta e taka ke ia Iuda, e te akava i roto i ona vaevae, e tae ua mai te Silo ra; e koia ta te pa enua e akarongo.

11 E ere aia i tana asini ki te vine, e te anaunga o tana asini ki te vine meitaki ra; e orei aia i tona kakau i te wina, e tona kakau i rungao ra ki roto i te toto vine ra:

12 E muramura te mata i te wina, e e teatea te nio i te u.

13 Ko Zebuluna ra, ka noo aia i taatai ra; i te ngai pai aia ra; e e tae rava tona kotinga ki Zidona.

14 E asini ririnui a Isakara, e moe i rotopu i nga koro puaka:

15 Te kite ra oki aia i te akaangaroi anga, e e mea meitaki ïa, e te enua ra, e mea manea ïa; e orongaʼi aia i tona pakuivi ei vairanga apainga, e riro ei aia ei tavini tautaūnga.

16 Ko Dana ra, e tuku mai aia i te tuatua-tau ki tona au tangata, mei tetai o te au kopu o Iseraela nei.

17 Ka riro Dana ei ovi i te arataa ra, ei asepi i te mataara ra, ko te kakati i te vaevae o te oroenua ra, e inga tiraa atura tei rungao ki raro.

18 I tiaki ua ana au i te ora naau, e Iehova e.

19 Ko Gada ra, ka eke aia i tetai takanava: ka eke ra ratou iaia i muri ake.

20 Ko Asera ra, ka riro tana kai i te mea meitaki roa ra; e te au mea anoanoia e te ui ariki ra tana ka oronga ra.

21 Ko Naphatali ra, e aili tuku uaia kia aere ua ana: ka tuku aia i te tuatua memeitaki ra.

22 Ko Iosepha ra, e tupu ou uua ïa, e tupu ou uuna ïa i te pae punavai ra; ko tei toro te rara na runga i te patu ra:

23 Maata ua rai tona mamae i te aronga akainana kakao, e kua akainana mai iaia, e kua makitakita oki iaia:

24 Te vai tika ra tana ana i te ketaketa, e te marōrō ra tona rima e tona kapu-rima i te ririnui o te Atua Mana o Iakoba ra. No reira maira, te tiaki ra, te toka o Iseraela;

25 No te Atua o to Metua tane ra, te ka tauturu mai ia koe ra, no te Mana katoatoa ra, ko te ka akameitaki mai ia koe ra, te au meitaki o te rangi i runga ra, te au meitaki o te moana e vai ua i raro nei, te au meitaki o te ua, e to te kopu.

26 Te au meitaki o to metua tane kua maata rava ïa i te au meitaki o toku ai tupuna, e tae atu i te openga o te au tuaivi vairanga mutu kore; kia vai ua ana ki rungao i te mimiti o Iosepha, e ei runga i te take upoko o tei taka ke i tona ra au tuakana.

27 Ko Beniamina ra, ka riro ïa i te ae mei te luko ra: e pou tana kai i te popongi roa, e kia po ra ka tuaʼi i tei rauka.

28 Ko nga mataiapo teia o Iseraela tino ngauru ma rua nei; e ko te tuatua teia ta to ratou metua tane i tuatua mai kia ratou, iaia i akameitaki mai ia ratou, iaia i akameitaki mai ia ratou; kua akapini marie aia ia ratou katoa i te akameitaki, ko te tangata ko tona meitaki, ko te tangata ko tona meitaki.

29 E kua ikuiku maira aia ia ratou, na ko maira, Kua vaitata au i te apai katoaia ki toku ra iti-tangata: e tanu kotou iaku i vaitata katoao i oku ra puke metua ki roto i te ana, i te kainga o Epherona ngati Heta ra,

30 Ki roto i te ana i te kainga i Makapela, i vaitata i Mamera, i te enua ra i Kanaana; i tei okoia e Aberahama, ma te kainga katoa, ia Epherona ngati Heta ra, ei ngai tanumanga tangata. 31 I reira to ratou tanu manga ia Aberahama, e tana vaine ra ia Sara; i reira to ratou tanu manga ia Isaaka, e tana vaine ra ia Rebeka; e i reira oki toku tanu manga ia Lea.

32 Ko taua kainga ra e te ana katoa i roto ra, e mea oko katoaia ïa i te tamariki a Heta ra.

33 E oti akera ta Iakoba ikuiku anga i tana au tamariki, kua mingi maira aia i tona vaevae ki runga i te roi, mate rava akera, e i kapiti katoaia ki tona au tangata ra.