Zephania

2 E AKAPUTUPUTU mai ia kotou orai, koia ïa, e akaputuputu, e te enua inangaro koreia ra.

2 Kare tei akakoroia i anau; te peke ke nei te rā mei te ota ra; kare kotou i rokoia e te riri viviki o Iehova ra, kare kotou i rokoia e te rā riri o Iehova.

3 E kimi ia Iehova, e te aronga akaaka ravarai o te enua nei, ko tei rave i te tuatua-tau nana ra; e kimi i te tuatua-tika, e kimi i te akaaka, peneiake kotou ko te uunaia i te rā e riri ei a Iehova ra. 4 E akarukeia Gaza, e tanea oki Asekelona; e îîa ke atu ratou ia Asedoda i te avatea ua, e ka kiriti tumuia Ekerona.

5 Aue to tei noo i taatai, te enua o te Kereti! Te patoi nei te tuatua a Iehova ia kotou; e Kanaana, te enua o te Philiseti, e pou koe iaku, e kare atura e tangataia.

6 E riro a taatai ei nooanga, ei au punavai na te au tiaki mamoe, e ei koro no te au anana.

7 E ka riro oki a taatai no te toenga i te ngutuare o Iuda, ei reira ratou e kaikai ei: ei roto i te au are i Asekelona ratou e moe ei i te aiai, na to ratou Atua oki na Iehova e ieie mai ia ratou, e ka ruri ke oki i to ratou tuikaa anga.

8 Kua rongo au i te akakino a Moabi, e te akavaavaa anga a te au tamariki a Amona, ko tei akakino mai i toku ra au tangata, i te akateitei anga ia ratou uaorai i to ratou ra kotinga.

9 E teianei, te tuatua mairā Iehova Sabaota ra, te Atua o Iseraela, Te ora nei au, e riro tikai Moabi mei ia Sodoma, e te au tamariki a Amona mei ia Gomora; ei ngai tatupu anga tataramoa e te vaarua tai, ei ngai tanea e tuatau ua atu; e noniia ratou e te toenga o toku ra au tangata, e e nooia ratou e te toenga o toku nei enua.

10 E rokoia mai ratou e to te reira no to ratou ngakau parau, no te mea kua akakino ratou e kua akateitei ia ratou uaorai i te au tangata no Iehova Sabaota ra.

11 E riro a Iehova i te matakuia e ratou, e akamate oki aia i to te enua katoa nei au atua i te pongi; e e akamori te tangata katoa nei iaia, te tangata i tona ngai, te tangata i tona ngai, te pa enua taatai ravarai o te etene ra.

12 E kotou katoa oki, e to Kusa, ka taia ïa kotou e taku koke.

13 E akatika oki aia i tona rima ki te pae ki apatokerau, e akapou aia ia Asura; e akariro oki aia ia Nineve ei ngai tanea, ei papamarō, mei te medebara,

14 E moe oki te au anana ki roto iaia; te au puaka taae katoa o te pa enua; ka noo oki te kate ma te kephoda ki roto i te au uri ngutupa nona ra; e reo te ka tangi i te au māramārama, e riro te au turuki i te tanea, no te mea kua vaoo atea ka uaia te au angaanga arezi.

15 Ko taua oire rekareka teia ko tei noo ponuiaau ua ra, ko tei tuatua i roto i tona ngakau e, Ko au, e kare atu mari ra ko au. Aue aia nei i te tanea e! te moeanga no te au puaka momoavao e! e riro te au tangata katoa i na reirao te aere i te aviri e te ruru i te rima.