Maseli
30 TE tuatua a Agura te tamaiti a Iake, koia te totou, ta taua tangata i akakite atu kia Itiela ra, kia Itiela oki raua ko Ukala.
2 E manako kore maata toku i to te tangata katoa, e kare oki toku kite e tau i to te tangata nei.
3 Kare oki au i apiiia mai i te tuatua pakari, kare oki au i kite i te au mea tapu ra.
4 Koai tei tae ki runga i te rangi? e tei eke mai? koai tei akaputuputu i te matangi ki roto i tona rima? koai tei kou i te moana ki roto i te kakau ra? koai tei akatinamou i te au openga katoa o te enua nei? koai tona ingoa, e te ingoa katoa o tana tamaiti? kua kite ainei koe?
5 E viivii kore anake to te au tuatua a te Atua ra; e paruru aia no te aronga e irinaki kiaia ra.
6 Auraka koe e kapiti atu i tetai tuatua ki tana; ko te kauvae mai aea aia ia koe, e kua kitea iora e pikikaa taau.
7 E rua aku mea inangaro ia koe, e te Atua e; te ora nei au ra, auraka koe e tāpu i te reira iaku:
8 E akataka ke atu koe i te tuatua puapinga kore e te pikikaa iaku nei auraka e tukuia mai te putaua e te apinga nui iaku nei: e akaangai mai koe iaku ki te kai e tau iaku ra:
9 Ko te ki ua aea oki au, e kua uuna iora au ia koe, ko te karanga aea oki au e, Koai a Iehova? e ko te putaua aea oki au, e kua keia iora au, e ko te akaiki puapinga kore ua aea au i te ingoa o taku Atua ra.
10 Auraka e tapepe atu i te tavini ki tona pu, ko te tao mai aea aia ia koe, e kua kitea iora e, e ara taau.
11 Te vai ra te uki e tao i to ratou metua tane, kare oki e akameitaki i to ratou metua vaine:
12 E uki oki tei mā i to ratou uaorai manako anga, kare ra i oreiia to ratou ra viivii:
13 E uki ra, aue te teitei o to ratou mata e, e to ratou topiri-mata i te apai teitei angaia e!
14 E uki ra, e tau to ratou nio i te koke, e to ratou nio ponga ra mei te matipi ïa, kia pou te ao i te enua nei, e te aronga putaua i roto i te tangata katoa nei.
15 Toko rua a te oluke puke tamaine, e kapiki ua, O mai, o mai. E toru eia mea e vai nei kare rai e iu; e te vai nei rai te a, kare rai i karanga mai e, Kua oti ua:
16 Ko te vaarua; e te kopu pa; te enua kare i iu i te vai; e te ai, kare rava e karanga e, Kua oti ua.
17 Te mata e taitoito i te metua tane, e kua akavaavaa te ako a te metua vaine, na te orebi o te o e pao mai ki vao, e na te anau a te aeto e kai.
18 E toru oku nei mea kitea kore; e te a oki kare rai i kitea e au:
19 Te aerenga o te aeto kia na roto i te reva nei, te aerenga o te ovi kia na runga i te mato ra; te aerenga o te pai kia na rotopu roa i te moana, e te akonoanga o te tangata i te paretenia.
20 Teia katoa te akonoanga o te vaine akaturi: kua kai iora e kua orei i te vaa, e kua na ko akera, Kare aku ara i rave.
21 E toru eia mea e ngaueue ei te enua nei; e te vai nei rai oki te a, kare katoa e meitaki:
22 I te tavini kia akariroia ei ariki; e te neneva kia ki aia i te kai;
23 E te vaine ririia kia akaipoipoia; e te tavini vaine kia riro ei kauono i tona pu vaine ra.
24 E a eia mea riki poepoe e vai nei, te maata nei ra to ratou pakari:
25 Te ro ra, kare ra o ratou e ririnui, te akaputu nei ra ratou i ta ratou kai i te tuatau mou ra:
26 Te saphana, kare ratou i te aronga matutu, te anga nei ra ratou i to ratou au are ki roto i te mato;
27 Te tāpaki ra, kare oki o ratou ariki, e akapupu ra ratou ravarai kia aere ra;
28 E mou te tukutukuraonui i nga rima nona, e tei roto aia i te are o te ui ariki.
29 E toru eia mea e aere meitaki nei; e te vai nei te a, e mea manea roa te aerenga:
30 Ko te liona, ko tei ririnui ïa i te au puaka katoa ra, kare rava e anga ke kia akaaravei ra;
31 Te oroenua tamaki ra; e te puaka-nio toa ra; e te ariki tei iaia te tangata.
32 Kua rave koe i te tuatua neneva no te parau noou ra, e kua manako koe i te kino ra, ka topiri i to vaa ki to rima.
33 Mei te u kia taviriia ra e raukaʼi te bata ra; e te putaiu kia romiia ra e taʼe ei te toto; koia katoa kia māro i te akakoko atu ka tupu ei te karo.