Koheleta

7 E MEITAKI maata to te rongo meitaki i to te manongi meitaki ra; e te rā e mate ei ra i te rā anau anga.

2 E mea meitaki te aere ki te are aue anga, i te aere ki te are kaingakai; ko te openga oki te reira o te tangata katoa ra; e riro oki te aronga i ora i te akamaara i te reira.

3 E ngari ake te aue i te kata; e meitaki oki te ngakau i te mata aue.

4 Tei te are aue ra te ngakau o te tangata pakari; ko te ngakau ra o te neneva ra, tei te are rekareka ïa.

5 E mea meitaki kia akarongo i te akamura a te tangata pakari ra, i te akarongo i te peʼe a te aronga neneva ra.

6 Mei te rakau taratara e patapatatā i raro ake i te pani ra, koia te kata o te neneva ra: e mea puapinga kore katoa oki te reira.

7 E akanenevaia oki te tangata pakari i te takinga-kino; e tatipake ra te ngakau i te apinga taparu.

8 E ngari ake te openga ra i te akamataanga ra; e mea meitaki te tangata ngakau akakoromaki i te tangata ngakau parau ra.

9 Auraka kia rapurapu ua to ngakau i te riri: tei te manava o te neneva ra te riri i te vai marie anga.

10 Auraka koe e karanga e, Eaa te mea i meitaki ei tei muatangana ra au rā i teianei au rā? kare oki koe i ui meitaki i te reira tuatua.

11 E mea meitaki te pakari ma te tuanga, e mea puapinga ïa i te aronga e akara i te rā nei;

12 E akapuanga oki tei te pakari, e akapuanga tei te moni; teia ra te meitaki o te pakari, na taua pakari oki e oronga mai i te ora i te aronga pu ra.

13 E akamaara i te au angaanga a te Atua: e tika iaai kia akatika i tana i akamingi ra?

14 E rekareka i te rā meitaki ra; e akamaaraara ra i te rā e tumatetengaʼi ra: kua tuku vaitataia teia e te Atua ki vaitatao i tera, kia kore te tangata e kite i tei vaitata i te iri mai ki runga iaia ra.

15 Teia ravarai nei taku mea i kite i te au rā puapinga kore noku nei: e tangata tuatua-tika tei mate i tana ra tuatua-tika; e te roa nei te aʼo o te tangata kino i tana ra tuatua kino:

16 Auraka koe e maata ua i te ketaketa kia tika, auraka oki e akapakari maata rava; eaa oki taau puapinga kia ta ia koe uaorai?

17 Auraka e akamaata rava te kino, auraka oki kia nenevaia; eaa oki koe e rapurapu ei i te mate kare i tae ki to tuatau tikai?

18 E meitaki toou kia mou piri tika koe i teia, e auraka to rima e pa i te reira: ko tei mataku i te Atua ra, e ora ïa i nga kino ravarai.

19 Matutu maata ta te pakari i o mai na te aronga i pakari ra, i ta nga tutara tino ngauru ki roto i te oire ra.

20 Kare takiri e tangata tuatua-tika i te enua nei, ko tei rave i te tuatua meitaki, e kare rava e ara.

21 Auraka koe e akono i te au tuatua katoa i tuatuaia ra; ko te kite aea koe i to tavini i te akakino anga ia koe.

22 Kua kite oki to ngakau na, e manganui taau akakino anga i etai ke.

23 I timata meitaki ana au i taua au tuatua katoa nei: i karanga oki au e, Kia pakari oki au; kua taka ke rava ra iaku:

24 Tei te mamao ke ïa, e te oonu maata oki, e kitea iaai ra?

25 Kua tavaitai oki au i toku ngakau kia kite, e kia kimi e kia kite i te pakari, e te mea i tupu ei te au mea katoa nei, kia kite oki te kino o te tuatua neneva ra, e te neneva a te aronga neneva:

26 E kite iora au e mea kino maata rava e iti te mate nei, te vaine ngakau ereere e te kupenga; tona rima, e pirianganaoa ïa: ko tei meitaki ki mua i te aroaro o te Atua ra, e ora ïa iaia; e riro ra te tangata ara iaia.

27 I na, te na ko nei te Orometua, teia taku i kite i te akaaiteite anga i tetai tuatua ki tetai, kia kitea te mea i tupu ei ra;

28 E te kimi ua nei rai taku vaerua i teianei, kare ra i kitea; okotai aku tangata i kite ki roto i nga tangata katoa okotai tausani; kareka te vaine okotai roa ra, kare ïa i kitea ki roto i te reira katoa ra.

29 I na, teia anake ra tei kitea e au e, kua anga te Atua i te tangata ma te tiratiratu, kua kimi ra ratou i te au ravenga e manganui.