Salamo

14 TE tuatua ra te neneva i roto i tona ra ngakau, Kare e Atua. Kua kino ratou, e ta ratou i rave ra, e mea viivii roa ïa, kare rava tetai i rave ake i te meitaki.

2 Ko Iehova i runga i te rangi tei akara mai ki raro nei, i runga i te tamariki a te tangata nei, peneiake ko te kitea atu tetai tangata kite, tei kimi i te Atua.

3 Kua ope rava i te aere ke, kua kino anake: kare rava tetai i rave i te meitaki, e okotai iti ake.

4 Kare rava ainei tei rave i te mea kino ra i kite? ko tei kai i toku ra au tangata mei te kai anga kai ra, e kare rava e kapiki ua atu kia Iehova ra.

5 Kua rokoia ratou e te mataku maata i reira: no te mea tei te uki tangata tuatua-tika ra te Atua.

6 Kua taakama kotou i te ako a te akaaka ra; no te mea ko Iehova tona akapuanga.

7 Naringa i rauka te ora o Iseraela no roto mai ia Ziona e! kia akaoki mai a Iehova i tona ra au tangata i tuikaa ra, ka pereperekavana Iakoba, ka rekareka oki Iseraela.