Iosua
15 TEIA te tuanga a te kopu ra a te tamariki a Iuda ra, i to ratou au kopu-tangata. to ratou kotinga i te pae i apatonga e tae ua atu ki te pae o Edoma, ko te medebara ra ïa ko Zini, mei te openga mai ko Temana ra.
2 Ko to ratou ïa kotinga i te pae i apatonga mei taatai mai i te Tai Kavakava ra, mei te ava mairai i te pae i apatonga ra.
3 E aere ua atura na te pae i apatonga na te maunga ra ko Akarabima, e tae rava atura ki Zini, e aere tika atura ki Kadesa-barenea ki te pae i apatonga, e kanokano atura ki Hezerona, e tae ua atura ki Adara, e kua takanimo ua iora ki Karakaa.
4 Mei reira oki aere rava atura ki Azemona, e te aere roa anga atura ïa ki te kauvai i Aiphiti ra; e tae ua atura ki te kotinga ra i te tai. Ko to kotou ïa kotinga i te pae i apatonga ra.
5 E te kotinga i te pae i te itinga o te rā ra, ko te Tai Kavakava ïa e tae ua atu ki te muri a vai o Ioridana ra: e te kotinga i te pae i apatokerau ra, ko te ava ïa i te Tai Kavakava ra, e te openga roa o Ioridana ra:
6 E aere rava atura taua kotinga ra ki Bete-hogala, e toro tika atura na Bete-araba na te pae i apatokerau; e mei reira oki aere rava atura taua kotinga ra ki te toka a Bohana te tamaiti a Reubena.
7 Aere rava atura taua kotinga ra mei te o atu i Akora ra ki Debira, e mei reira oki takanimo atura ki te pae i apatokerau ana tika atura ki Gilagala, i vaitata ki te kakenga ki runga i Adumima, i tetai pae kauvai i te pae i apatonga ra; e aere ua atura taua kotinga ra ki te vai ra i Enisemese, e kanokano atura ki Eni-rogela.
8 Aere ua atura oki taua kotinga ra na te o o te tamaiti a Hinoma ra, e tae ua atura ki te pae i apatonga o te ngati Iebusi, koia Ierusalema nei: e aere ua atura taua kotinga ra ki runga roa i te take maunga, i te openga mai o te o ra o Hinoma i te pae i te opunga o te rā ra, e te openga mai oki o te o o te aronga roangarere ra i te pae i apatokerau ra:
9 E mei te take mai oki o taua maunga ra tātakiia atura taua kotinga ra ki te punavai i Nephatoa ra, e aere rao atura oki ki te au oire i te maunga ra ko Epherona; e tātaki roaia atura taua kotinga ra ki Baala, koia oki Kiriata-iearima ra.
10 E mei Baala oki kua apepe akera taua kotinga ra ki te pae i te opunga o te rā e tae ua atura ki te maunga ra ko Seira, aere atura oki na te maunga ra ko Iearima i te pae i apatokerau ra, koia oki Kesalona, e aere tika atura ki raro ki Bete-semesa, e kanokano ua atura ki Timina.
11 Aere ua atura taua kotinga ki Sikarona, e aere tika atura ki te maunga ra ko Baala, e tae atura ki Iabenela; e te openga mai o taua kotinga ra ko taatai ïa.
12 E te kotinga i te pae i te opunga o te rā ra ko te tai maata ra ïa, e te kotinga iora. Ko te kotinga teia o te tamariki a Iuda, i to ratou au kopu-tangata, e pini ua ake.
13 E kua apai atura aia i tetai tuanga na Kaleba te tamaiti a Iephune, i roto katoa i te tamariki a Iuda, ta Iehova oki i akaue mai ia Iosua ra, ko Kiriata-araba, (ko Araba oki te metua no Anaka,) ko Heberona taua oire ra.
14 Eke iora nga tangata Anaka toko toru ia Kaleba, ko Sesai, e ko Ahimana, e ko Talemai, nga tamariki a Anaka.
15 E mei reira oki, aere atura aia e rave i to Debira; ko Kiriata-sephera te ingoa o Debira i muatangana ra.
16 Kua tuatua akerā Kaleba, Ko te rauka iaia Kiriata-sephera, e kua pou iaia ra, ko taku ïa e oronga atu i taku tamaine nei ia Akesa ei vaine nana.
17 Rauka iora taua oire ra ia Oteniela te tamaiti a Kenaza, e taeake no Kaleba; e kua oronga atura aia i tana tamaine ia Akesa ei vaine nana.
18 E tei te aere anga aia ki te ngutuare, kua karanga atura aia kiaia, e pati i tona metua tane i tetai kotinga kainga; e kua eke iora aia ki raro mei runga mai i tana asini. Kua tuatua mairā Kaleba kiaia, Eaa toou anoano, e taku tamaine?
19 Kua karanga atura aia, Ka o mai tetai meitaki noku; kua oronga mai oki koe i tetai kainga noku i te pae i apatonga ra; e o mai katoa mairā nga punavai. Kua oronga mairā Kaleba i tetai kainga punavai i runga, e tetai kainga puanavai i raro ra.
20 Ko te tuanga teia o te kopu o te tamariki a Iuda ra, i to ratou au kopu-tangata.
21 E te au oire openga ra no te kopu o te tamariki a Iuda ra, i te pae i apatonga ra, tei anga tika ki te pae o Edoma ra, ko Kabezeela ïa, e ko Edera, o ko Iagura,
22 E ko Kina, e ko Dimona, e ko Adada,
23 E ko Kedesa, e ko Hazora, e ko Itanana,
24 E ko Zipha, e ko Telema, e ko Bealota,
25 E ko Hazora, ko Hadata, e ko Keriota-hezerona, koia oki Hazora;
26 E ko Amama, e ko Sema, e ko Molada,
27 E ko Hazara-gada, e ko Hesemona, e ko Bete-paleta,
28 E ko Hazara-suala, e ko Bereseba, e ko Bizotaia,
29 E ko Baala, e ko Iima, e ko Azema,
30 E ko Elatolada, e ko Kesila, e ko Horama,
31 E ko Zikelaga, e ko Madamana, e ko Sanasana,
32 E ko Lebaota, e ko Silima, e ko Aina, e ko Rimona; e rua ngauru ma iva ïa au oire, e te au vila i reirao:
33 E to te ngai akaaka ra, ko Esetaola ïa, e ko Zorea, e ko Asana,
34 E ko Zanoa, e ko Eni-ganima, e ko Tapua, e ko Enama,
35 E ko Iaremuta, e ko Adulama, e ko Soko, e ko Azeka,
36 E ko Saraima, e ko Aditaima, e ko Gedera, e ko Gederotaima; okotai ngauru ma a ïa au oire, e te au vila i reirao;
37 E ko Zenana, e ko Kadasa, e ko Migadala-gada,
38 E ko Dileana, e ko Mizepe, e ko Iokateela,
39 E ko Lakisa, e ko Bozekata, e ko Egalona,
40 E ko Kabona, e ko Lahamasa, e ko Kitalisa,
41 E ko Gederota, e ko Bete-dagona, e ko Naama, e ko Makeda; okotai ngauru ma ono ïa au oire, e te au vila i reirao;
42 E ko Libena, e ko Etera, e ko Asana,
43 E ko lipita, e ko Asena, e ko Neziba, e ko Maresa; ko e iva ïa puke oire, e te au vila i reirao;
44 E ko Keila, e ko Akaziba, e ko Maresa; ko e iva ïa puke oire, e te au vila i reirao;
45 E ko Ekerona, e to reira au oire e te au vila i reirao;
46 Mei Ekerona oki e tae ua atura ki taatai, te au oire katoa i vaitata i Asedoda e te au vila i reirao;
47 Ko Asedoda, e to reira au oire, e te au vila, e ko Gaza, e to reira au oire, e te au vila, e tae ua atu ki te kauvai i Aiphiti ra; e te tai maata ra ko to ratou ïa kotinga:
48 E to runga i te maunga ra, ko Samira ïa, e ko Iatira, e ko Soko,
49 E ko Dana, e ko Kiriata-sana, koia oki Debira,
50 E ko Anaba, e ko Esetemo, e ko Anima,
51 E ko Gosena, e ko Holona, e ko Gilo; okotai ngauru ma tai ïa au oire, e to reira oki au vila;
52 E ko Araba, e ko Duma, e ko Eseana,
53 E ko Ianuma, e ko Bete-tapua, e ko Apheka,
54 E ko Humata, e ko Kiriata-araba, koia oki Heberona, e ko Ziora; ko e iva ïa puke oire, e to reira oki au vila;
55 E ko Maona, e ko Karamela, e ko Zipha, e ko Iuta,
56 E ko Iezereela, e ko Iokedeama, e ko Zanoa,
57 E ko Kaina, e ko Gibea, e ko Timina; okotai ngauru ïa au oire, e to reira au vila;
58 E ko Haleula, e ko Bete-zura, e ko Gedora,
59 E ko Maarata, e ko Bete-anota, e ko Eletekona; e ono ïa puke oire, e to reira oki au vila;
60 E ko Kiriata-baala, koia oki Kiriata-ierarima, e ko Raba; e puke oire e rua ïa, e to reira oki au vila:
61 To te medebara ra, ko Bete-araba, ko Midina, e ko Sekaka,
62 E ko Nibasana, e te oire tai ra, e ko Eni-gedi; nga oire ïa e ono, e to reira oki au vila.
63 Kareka te ngati Iebusi to Ierusalema ra, kare akerai ratou i eke i te tamariki a Iuda: te noo ua nei te ngati Iebusi i Ierusalema i roto katoa i te tamariki a Iuda, e tae ua akenei ki teianei rā.