E Peʼe na Solomona

2 E tiare au no Sarona; e mea lili ua oki no te au o ra!

2 Mei te lili i rotopu i te au rakau taratara ra, koia katoa taku akaperepere i rotopu i te au vaine ra.

3 Mei te lemoni i rotopu i te au rakau o te vaorakau ra, koia katoa taku akaperepere nei i rotopu i te au tangata ra: te inangaro nei au i te noo ki raro ake i tona marumaru, te vene nei oki tana kai iaku kia kai ra.

4 I arataki ana aia iaku ki te are wina, e tana reva i ooraia ki rungao iaku, ko te inangaro ïa.

5 E akamatutu mai iaku ki te vine; e tauturu mai ki te lemoni; te mate ua nei rai au i te inangaro.

6 Tei raro ake tona rima kaui i taku upoko, e te takave nei tona rima katau ki runga iaku.

7 Te ako atu nei au ia kotou, e te au tamaine i Ierusalema, i te au zabi, e te au aili o te ngangaere ra, auraka kotou e akaitirere, auraka oki e akaara, i taku akaperepere nei, e kia inangaro ua aia uaorai.

8 Te reo no taku akaperepere nei! I na, te rere aere maira aia na runga i te au maunga, te rere aere maira na runga i te au tuaivi.

9 E tau taku akaperepere nei ki te zabi, e te aili ou: i na, kua tu ua maira aia ki muri mai i to matou patu ra; kua akara mai na roto i te māramārama; kua akakite iaia uaorai na roto i te kopekapeka māramārama ra.

10 Kua tuatua maira taku akaperepere, na ko maira kiaku, Ka tu, e taku akaperepere e, e taku purotu e, ka aere mai:

11 I na oki, kua kore akenei te tuatau paroro; kua mao te ua, kua kore;

12 Te kitea maira te tiare ki runga i te enua nei; kua tae ki te tangi anga o te manu ra, e te kitea nei te tangi o te kukupa ki to tatou nei enua;

13 Te kao nei te suke i tona ua puku, e te aunga nei te tiare o te vine nei: ka tu, e taku akaperepere, e taku purotu, e aere mai;

14 E taku kukupa e, kia kite atu au ia koe na roto i te kapi mato ra, na roto i te ngai pipiniia i te au mato ra, kia kite oki au i to mata na, kia akarongo oki au i to reo na; e maru oki tei to reo, e te meitaki oki to mata.

15 Ka opu ana i te au suoli, i te au suoli mea ngiti ra, i kino ei te au vine ra: kua pua tiareia oki ta tatou au vine.

16 Noku oki taku akaperepere, e nona katoa oki au nei: te kaikai ra aia i rotopu i te au lili ra.

17 Kia ao, e kia peke ke atu te maruao, e oki mai, e taku akaperepere e; kia riro koe mei te zabi, e mei te aili ou, ki runga i te au maunga ra i Betera.